اتاپ ايتساق, پارتيا وكىلدەرى قۋانىشبەك مۇقاش, ولجاس قۇسپەكوۆ, باقىتبەك حاميت تاۋ-كەن, مەتاللۋرگيا جانە وسى سالالارداعى تەحنولوگيالىق ماتەريالدار مەن جابدىقتار جەتكىزەتىن ۋاكىلەتتى ديلەر «PES Global» كومپانياسىنىڭ ەڭبەك ۇجىمىمەن كەزدەستى. جيىن بارىسىندا پارتيا وكىلدەرى كاسىپكەرلەردىڭ ءدال قازىرگى ماسەلەلەرىن تالقىلاپ, «Respublica»-نىڭ ماقسات-مىندەتتەرىنە توقتالدى.
– پارتيانىڭ ميسسياسى – مەملەكەتتىك باسقارۋ جۇيەسىندە قازاقستاندىق كاسىپكەرلەردىڭ مۇددەلەرىن بىرىكتىرۋگە جانە ۇسىنۋعا ارنالعان ساياسي كۇش قۇرۋ. كاسىپكەرلىكتى دامىتۋ وتاندىق ەكونوميكانىڭ جاڭا درايۆەرىنە جانە ەل ازاماتتارىنىڭ ءال-اۋقاتىنىڭ نەگىزىنە اينالادى دەپ ويلايمىز, – دەدى ءماجىلىس دەپۋتاتتىعىنا كانديدات ولجاس قۇسپەكوۆ.
دەپۋتاتتىققا كانديدات قۋانىشبەك مۇقاشتىڭ ايتۋىنشا, قازاقستان كاسىپكەرلەرى بيۋروكراتيا مەن سىبايلاس جەمقورلىققا ءجيى ۇشىرايدى, بۇل ادامداردى ءوز ءىسىن جۇرگىزۋدەن الشاقتاتادى, ويتكەنى مۇنداي جاعدايدا بيزنەستىڭ ۇزاق مەرزىمدى دامۋ ستراتەگياسىن قۇرۋ قيىنعا سوعادى. قازىرگى جاعدايدا ەلىمىزگە كاسىپكەرلىك سالاسىندا ساپالى وزگەرىستەر قاجەت دەپ ەسەپتەيدى, پارتيا وكىلدەرى.
– ءبىز مەكتەپتەن باستاپ قالىپتاساتىن كۇشتى جانە تۇراقتى كاسىپكەرلىك مادەنيەتتى جاساۋعا جانە دامىتۋعا باسا نازار اۋدارامىز. ەكىنشىدەن, ناقتى جانە تۇراقتى ەرەجەلەرى بار بيزنەستى قالىپتاستىرۋ قاجەتتىگىن تۇسىنەمىز. ول ءۇشىن ساۋاتتى ءارى تۇسىنىكتى سالىق كودەكسىن ازىرلەپ, بەكىتۋدى ۇسىنىپ وتىرمىز, ونى ءۇش جىل بويى وزگەرتپەۋ كەرەك, – دەدى قۋانىشبەك مۇقاش.
وسىلايشا, «Respublica» پارتياسى كۇشتى كاسىپكەرلىك مادەنيەتتى قۇرۋعا جانە دامىتۋعا باسا نازار اۋدارادى. ولار ناقتى جانە تۇراقتى ەرەجەلەرى بار بيزنەس-ورتانى قالىپتاستىرۋ, قولجەتىمدى قارجى قۇرالدارى مەن قىزمەتتەرىنە قولجەتىمدىلىكتى قامتاماسىز ەتۋ, ادامي كاپيتالدى دامىتۋ, بيۋروكراتيالىق كەدەرگىلەردى ازايتۋ جانە كۆازيمەملەكەتتىك سەكتوردىڭ نارىقتىق بيلىگىن شەكتەۋ سياقتى باستامالاردى كوتەرىپ وتىر.
