كاسىپورىن جۇمىسشىلارى الدىندا پارتيانىڭ سايلاۋالدى باعدارلاماسى تۋرالى اڭگىمەلەگەن سەرگەي ۆيشنياك جاڭا جۇمىس ورىندارىن اشۋ ءۇشىن پارتيا قانداي شارالاردى قولعا الاتىنىنا توقتالدى.
تۇراقتى جۇمىس ورىندارىن قۇرۋ – پارتيانىڭ باسىم باعىتى. ءار ادام ءوز وتباسىن اسىراۋ ءۇشىن لايىقتى تابىس تابۋى كەرەك. وسى ماقساتتا پارتيا جۇمىسشىلاردىڭ ەڭبەك جاعدايىن جاقسارتۋ جانە جۇمىس ورىندارىن قۇرۋ ءۇشىن جىل سايىن كەمىندە 300 كاسىپكەرلىك سۋبەكتىسىنە قارجىلاي قولداۋ كورسەتۋگە ىقپال ەتەدى. جىل سايىن كەمىندە 22 مىڭ ادامدى بوس جۇمىسقا ورنالاستىرۋعا جاردەمدەسەمىز. سونىمەن قاتار 3,5 مىڭ جۇمىسسىز ادامدى كاسىپتىك وقىتۋدان وتكىزەمىز, – دەدى كانديدات.
قابىلدانعان شارالار ورتاشا جالاقىنى 264,2 مىڭ تەڭگەدەن 320 مىڭ تەڭگەگە دەيىن ارتتىرۋعا مۇمكىندىك بەرەدى. جۇمىسپەن قامتۋ مۇمكىندىكتەرىن ارتتىرۋ ارقىلى 105 مىڭ جاڭا جۇمىس ورنى قۇرىلادى. شاعىن جانە ورتا بيزنەس سۋبەكتىلەرىنىڭ سانى 100 مىڭعا, ال وندا جۇمىسپەن قامتىلعاندار سانى 192 مىڭ ادامعا دەيىن ارتادى.
كۇلپارشىن ايدارحانوۆا سايلاۋالدى باعدارلامادا جاستاردىڭ مۇمكىندىگىن كەڭەيتۋگە كومەكتەسەتىن شارالار بار ەكەنىن ايتتى.
– پارتيا جاستاردى جۇمىسپەن قامتۋ جانە ولاردى باسپانامەن قامتۋ ماسەلەسىن كوتەرەدى. جىل سايىن كەمىندە 8 مىڭ جاستى جۇمىسقا ورنالاستىرۋعا كومەكتەسەمىز. «جاسىل ەل» جوباسى اياسىندا جاستاردى ۋاقىتشا جۇمىسپەن قامتۋ شارالارى قولعا الىنادى. جىل سايىن 1 500-گە جۋىق جاس ازامات جوباعا قاتىسا الادى, – دەدى ول.
كەزدەسۋ بارىسىندا سايلاۋشىلار ۇمىتكەرلەرگە ءوز ساۋالدارىن قويدى. جالپى, پارتيانىڭ سايلاۋالدى باعدارلاماسىن ازىرلەۋ كەزىندە حالىقتىڭ 200 مىڭنان استام ۇسىنىس-پىكىرى ەسكەرىلگەن. بۇعان دەيىنگى سايلاۋالدى باعدارلاماسى اياسىندا 55 زاڭ جوباسىنا باستاماشىلىق ەتكەنىن اتاپ وتكەن ءجون.
