جوسپار اتالعان سپورت ءتۇرىن دامىتۋدىڭ بىرنەشە باعىتىن قاراستىرادى. ماسەلەن, مەكتەپ باعدارلاماسىنا شاحمات ەنگىزۋ ءۇشىن ءبىلىم بەرۋ باعدارلامالارىن ازىرلەۋ, سونداي-اق جالپى ءبىلىم بەرەتىن مەكتەپتەردىڭ وقۋ جوسپارلارىنا شاحمات بويىنشا فاكۋلتاتيۆ ەنگىزۋ, شاحمات سەكتسيالارىن كەڭەيتۋ, شاحماتتى ۇلتتىق مەكتەپ جانە ستۋدەنتتەر ليگاسىنىڭ باعدارلاماسىنا ەنگىزۋ جوسپارلانىپ وتىر.
بۇدان باسقا, پەداگوگيكالىق باعىتتار بويىنشا جۇمىس ىستەپ تۇرعان كافەدرالار بازاسىندا شاحمات مۇعالىمدەرىن دايارلاۋ بويىنشا جوو شتاتىندا بىرلىكتەر ءبولۋ, جوو-دا شاحمات كلۋبتارىن اشۋ ۇسىنىلدى.
باسقا باعىتتار شاحماتتى اقپاراتتىق قولداۋدى جانە ناسيحاتتاۋدى, ونىڭ ىشىندە تۋرنيرلەر مەن جارىستاردى, سونىڭ ىشىندە حالىقارالىق جارىستاردى وتكىزۋدى كوزدەيدى.
جوسپاردى ىسكە اسىرۋ كەلەسى ناتيجەلەرگە اكەلەدى دەپ كۇتىلۋدە:
- جالپى ءبىلىم بەرەتىن مەكتەپتەردە شاحمات بويىنشا فاكۋلتاتيۆ (كۋرس) ەنگىزۋ.
- باستاۋىش سىنىپ بالالارىن 20% ۇلەسىمەن شاحماتپەن وقىتۋمەن قامتۋ.
- ءبىلىم بەرۋ ۇيىمدارىندا كەمىندە 200 شاحمات كلۋبىن اشۋ.
- شاحماتتان قر قۇراما كومانداسىنىڭ (شاحماتتان ۇلتتىق قۇراما كومانداسى) الەمنىڭ توپ-10-نا كىرۋى.
- 20 جاسقا دەيىنگى قازاقستاندىق شاحماتشىلاردىڭ «حالىقارالىق گروسسمەيستەر» سپورتتىق اتاعىن الۋى.
- الەم, ازيا چەمپيوناتتارىندا, شاحمات وليمپياداسىندا جانە باسقا دا FIDE رەسمي چەمپيوناتتارىندا قازاقستاندىق شاحماتشىلار جەڭىپ العان مەدالدار سانىن ۇلعايتۋ.
- شاحمات بويىنشا كەمىندە 500 پەداگوگ دايارلاۋ.
- كەمىندە 250 كادردى قايتا دايارلاۋ جانە بىلىكتىلىگىن ارتتىرۋ.
قۇجات 13 ناۋرىزعا دەيىن قوعامدىق تالقىلاۋ ءۇشىن اشىق نقا سايتىندا ورنالاستىرىلعان.
