كەزدەسۋدە ەرەكشە قاجەتتىلىگى بار تۇلعالاردىڭ قۇقىقتىق, الەۋمەتتىك جاعدايى تالقىلاندى. اۋىلدا تۇراتىن مۇمكىندىگى شەكتەۋلى جانداردىڭ جاعدايى, ولاردىڭ ورتا, جوعارى ءبىلىم الۋ مۇمكىندىگى ايتىلدى. جينالعاندار الدىندا ءسوز العان ءماجىلىس دەپۋتاتتىعىنا كانديدات, PhD تاڭساۋلە سەرىكوۆ ءوز ومىرىنەن مىسالدار كەلتىرىپ, باياندى بولاشاق اركىمنىڭ ءوز قولىندا ەكەنىن اتاپ ءوتتى.
«اۋىل» پارتياسىنا نە ءۇشىن كەلدىم؟ سەبەبى پارتيادان جاسىماس جىگەردى كوردىم. ونىڭ ۇستانىمى حالىقتىڭ, اسىرەسە اۋىلدىقتاردىڭ وي-ارمانى, ماقسات-مۇددەسىمەن ۇندەسەدى. پارتيا باعدارلاماسى جاتتاندى قۇرعاق ۋادەدەن ادا. ول اۋىلدىق جەردە كەمىندە 20 جىل جۇمىس ىستەگەن ازاماتتارعا زەينەتاقىنى, وندا تۇراتىن ەرەكشە قاجەتتىگى بار بارلىق ازاماتقا الەۋمەتتىك جاردەماقىنى ۇلعايتۋ, از قامتىلعاندار مەن الەۋمەتتىك وسال توپتار وكىلدەرى ءۇشىن ازىق-ت ۇلىك تولەم جۇيەسىن ەنگىزۋ تۋرالى ماسەلەگە باستاماشىلىق جاساپ ءجۇر. «ساۋساق بىرىكپەي, ينە ىلىكپەيدى» دەمەكشى, ءبىز بىرىكسەك, تالاي ىلكىمدى ءىستى جۇزەگە اسىرامىز, تاعدىرلاس باۋىرلارىمىزعا مۇمكىندىك پەن ءۇمىت سىيلايمىز», دەدى تاڭساۋلە سەرىكوۆ.
جيىن سوڭىندا ەرەكشە قاجەتتىلىگى بار جانداردان قۇرالعان «قاناتتىلار» تەاترى ءىس-شاراعا قاتىسۋشىلارعا تەاترلاندىرعان كورىنىس قويىپ, مەرەكەلىك كوڭىل كۇي سىيلادى.
كانديداتتار جيىننان كەيىن قوسشى تۇرعىندارىمەن كەزدەسىپ, ۇگىت-ناسيحات جۇمىستارىن جۇرگىزدى. ولارعا «اۋىل» پارتياسىنىڭ سايلاۋداعى باعدارلاماسىن, اتاپ ايتقاندا قالا تۇرعىندارىن اۋىل كاسىپكەرلىگىن ينۆەستيتسيالاۋعا تارتۋ, قاجەتتى ەكونوميكالىق ىنتالاندىرۋلار مەن قۇقىقتىق كەپىلدىكتەر بەرە وتىرىپ, «قالالىق» بيزنەستى اۋىلدارعا كوشىرۋ تۋرالى ءتۇسىندىردى. تۇرعىندار وزدەرىن مازالاعان ساۋالدارىنا تۇشىمدى جاۋاپ الدى.
