ءىس-شاراعا اقپارات جانە قوعامدىق دامۋ ءمينيسترى دارحان قىدىرالى, قر پارلامەنتى سەناتىنىڭ دەپۋتاتتارى, قر مەملەكەتتىك قىزمەت ىستەرى اگەنتتىگىنىڭ, استانا قالاسى اكىمدىگىنىڭ, حالىقارالىق جانە شەتەلدىك ۇيىمداردىڭ, سونداي-اق ۇكىمەتتىك ەمەس ۇيىمداردىڭ وكىلدەرى قاتىستى.
«كەز كەلگەن مەملەكەتتىڭ تىرەگى – ازاماتتىق قوعام. ۇكىمەتتىك ەمەس ۇيىم وكىلدەرى حالىق پەن بيلىك اراسىنداعى بايلانىستى نىعايتىپ, قوعامدىق ديالوگتىڭ قالىپتاسۋىنا ىقپال ەتەدى. قازىرگى ۋاقىتتا ەلىمىزدە 22 مىڭنان استام ۇەۇ تىركەلگەن, ونىڭ 17 مىڭىنان استامى بەلسەندى جۇمىس ىستەيدى. مەملەكەت جىل سايىن 2 مىڭ الەۋمەتتىك ماڭىزى بار جوبانى ۇەۇ-مەن ءوزارا بايلانىس ارقىلى ىسكە اسىرىپ كەلەدى. جۇرگىزىلگەن جۇمىس ناتيجەسىندە, 2022 جىلى 500-دەن استام جۇمىس ورنى قۇرىلدى, 32 مىڭنان استام بەنەفيتسيار ناقتى كومەك الدى, ونىڭ ىشىندە 3 000 ەرەكشە قاجەتتىلىگى بار, 60-تان استام الەۋمەتتىك قىزمەتتەر مەن ورتالىقتار قۇرىلدى», دەدى مينيستر دارحان قىدىرالى.
ازاماتتىق قوعام ينستيتۋتتارىن دامىتۋ ءۇشىن مينيسترلىك جۇيەلى كەشەندى جۇمىستار جۇرگىزىپ جاتىر.
ماسەلەن, 2022 جىلى 4 شىلدەدە ۆولونتەرلىكتى جانە قايىرىمدىلىقتى دامىتۋ ماسەلەلەرى جونىندە زاڭ قابىلداندى.
«وسىدان ءبىراز ۋاقىت بۇرىن قوعامدىق كەڭەستەر ماسەلەسى بويىنشا زاڭناماعا تۇزەتۋلەر ەنگىزىلدى. وسىلايشا ولاردىڭ قىزمەت اياسىن كۆازيمەملەكەتتىك سەكتورعا دەيىن كەڭەيتۋگە مۇمكىندىك بەرىلدى. قوعامدىق كەڭەستەردەگى ازاماتتىق سەكتوردىڭ ۇلەسى 23,5%-عا ارتىپ, قازىرگى ۋاقىتتا 86%-دى قۇرادى. قوعامدىق كەڭەستەردىڭ قۇرامى 90%-عا جاڭارتىلدى», دەدى مينيستر.
سالتاناتتى جيىن ۇكىمەتتىك ەمەس ۇيىمداردىڭ وكىلدەرىن ماراپتتاۋ راسىمىمەن اياقتالدى.
