ەسىرتكى قىلمىسىنا قارسى كۇرەس ءبولىمىنىڭ حابارلاۋىنشا, پوليتسيانىڭ ارنايى جاساقتارىنىڭ كومەگىمەن جۇرگىزىلگەن ءىس-شارا بارىسىندا بەس ەر ادام ۇستالدى. ولاردىڭ بارلىعى دا جامبىل وبلىسى شۋ اۋدانىنىڭ تۋمالارى.
– كۇدىكتىلەر قالانىڭ ءار جەرىندە ۇستالدى. ماسەلەن, قالقامان شاعىن اۋدانىندا 46 جاستاعى ا. ەسىمدى ازامات قۇرىقتالدى. رۇقسات ەتىلگەن ءتىنتۋ كەزىندە ودان سىعىمدالعان گاشيش زاتى سالىنعان ءتورت بۋما, 1 ملن 150 مىڭ تەڭگە كولەمىندەگى قولما-قول اقشا جانە ءىىو زەينەتكەرىنىڭ جالعان كۋالىگى تابىلدى جانە تاركىلەندى. ال كۇدىكتىنىڭ ۇيىنەن جالپى سالماعى 4 كەلىدەن اساتىن گاشيش ەسىرتكى زاتى سالىنعان 7 پوليەتيلەن بۋما مەن مەتالل تارازىلار تابىلدى. ءدال سونداي جالعان قۇجات توپتىڭ تاعى ءبىر مۇشەسىنەن – 40 جاستاعى و. ەسىمدى ازاماتتان تاركىلەندى. ارنايى ءىس-شارا ناتيجەسىندە زاڭسىز اينالىمنان جالپى سالماعى 34 كەلىگە جۋىق گاشيش شىعارىلدى. كۇدىكتىلەر قاماۋعا الىندى, – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
