جۇيەدە «كۇتۋ پاراعى» تەتىگى ىسكە قوسىلدى. وندا بيۋدجەتتىڭ بولۋىنا قاراماستان رەتتىك ءنومىر بەرىلىپ, ماقۇلدانعان وتىنىمدەر كەلىپ تۇسەدى. وسىلايشا, بيۋدجەت فەرمەر تاراپىنان قوسىمشا ءىس-ارەكەتسىز تەك «كۇتۋ پاراعىنداعى» وتىنىمدەر بويىنشا اۆتوماتتى تۇردە بولىنەدى. بۇل ءتاسىل قاراجاتتى ءبولۋدىڭ اشىقتىعىن قامتاماسىز ەتەدى جانە سۋبسيديالاردى تولەۋ كەزىندە ادامي فاكتوردى بولدىرمايدى.
سونىمەن قاتار وڭىرلىك اكىمدىكتەردىڭ فەرمەرلەردىڭ الدىندا 2022 جىلى رەزەرۆكە قويىلعان 4025 ءوتىنىم بويىنشا ايتارلىقتاي بەرەشەگى بار. دەرەكتەر qoldau جۇيەسىنەن اۋىل شارۋاشىلىعى باسقارمالارىنىڭ جەكە كابينەتتەرىنە كوشىرىلدى. وسىلايشا, ينۆەستيتسيالىق سۋبسيديالاۋ جانە ءونىمدى قايتا وڭدەۋ باعىتى بويىنشا جەرگىلىكتى اكىمدىكتەر وتكەن جىلعى قارىزداردى وتەگەننەن كەيىن عانا جاڭا وتىنىمدەردى تولەۋگە كوشە الادى. سبماج-دە دەرەكتەر تولەمدەرىن قالىپتاستىرۋ بويىنشا فۋنكتسيونال ىسكە اسىرىلدى. وبلىس اكىمدىكتەرىنە ءتيىستى تۇسىنىكتەمەلەر جولداندى.
ايتا كەتەيىك, پايىزدىق مولشەرلەمەنى سۋبسيديالاۋ بويىنشا جۇيەدە 250-دەن استام قارجى ينستيتۋتى تىركەلگەن, ولار اۋىل شارۋاشىلىعى باسقارمالارىنا 1,8 ملرد تەڭگە سوماسىنا ءوتىنىم بەردى.
