پارتيا وكىلدەرى ادىلەتتى قازاقستاننىڭ باستى بايلىعى ادام ەكەنىن اتاپ ءوتتى. «حالىق پارتياسى – سوتسيال-دەموكراتيالىق باعىتتاعى ساياسي كۇش. ول حالىقتىڭ مۇددەسىن بىلدىرەدى. جاڭا قازاقستانعا جالدامالى قىزمەتكەرلەردىڭ الەۋمەتتىك جانە ەڭبەك قۇقىعىن تيىسىنشە قورعايتىن جاڭا ەڭبەك كودەكسى قاجەت», دەدى استانا قالالىق ءماسليحاتىنىڭ دەپۋتاتتىعىنا ۇمىتكەر دارحان رامازانوۆ.
پارتيا ەڭبەك ادامىن ۇنەمى نازاردا ۇستايدى. پارتيا جاڭا ەڭبەك كودەكسىن قابىلداۋدى تالاپ ەتەدى. «جۇك تاسىمالى سالاسىندا نازىك جانداردىڭ دا ەڭبەك ەتەتىنىن بىلەمىز. ايەلدەرگە 63 جاسقا دەيىن جۇمىس ىستەۋ وڭاي ەمەس. سوندىقتان ءبىز ايەلدەردى 58 جاستا زەينەتكە شىعارۋدى تالاپ ەتەمىز», دەدى پارلامەنت ماجىلىسىنە كانديدات نۇرداۋلەت ورازحانوۆ.
ال پارلامەنت ءماجىلىسىنىڭ دەپۋتاتتىعىنا ۇمىتكەر يرينا سميرنوۆا كوكشەتاۋداعى «ەۆرازيا گرۋپپ قازاقستان» كومپانياسىنىڭ ۇجىمىمەن كەزدەسىپ, جينالعانداردى پارتيانىڭ سايلاۋالدى باعدارلاماسىمەن تانىستىردى.
ي.سميرنوۆا پارتيا ەلدە قالىپتاسقان جۇيەنى وزگەرتۋدى تالاپ ەتەتىنىن, ال حالىق ساپالى مەديتسينا مەن بىلىمگە قول جەتكىزگىسى كەلەتىنىن ايتتى. قحپ سايلاۋالدى باعدارلاماسىندا جاستاردى تۇرعىن ۇيمەن قامتۋ ۇسىنىلعان. ول ءۇش سانات بويىنشا جۇزەگە اسادى. ءبىرىنشىسى – كەيىننەن ساتىپ الۋ مۇمكىندىگىمەن جالعا بەرىلەتىن تۇرعىن ءۇي. باسپانانى جالعا الۋ مەرزىمى – 14 جىل. ەكىنشىسى – يپوتەكالىق باعدارلاما ارقىلى جىلدىق 4%-بەن قولجەتىمدى تۇرعىن ءۇي. باسپانانى ساتىپ الۋ مەرزىمى – 14 جىل. ءۇشىنشىسى – قحپ باعدارلاماسىنا سايكەس كەلەتىن باسقا قۇرىلىس سالۋشىلاردان جاڭا باسپانا جانە قايتالاما نارىقتاعى تۇرعىن ءۇي. مۇندا دا يپوتەكالىق باعدارلاما ارقىلى جىلدىق 4%-بەن ساتىپ الۋ مۇمكىندىگى قاراستىرىلادى. سونداي-اق تۇرعىن ءۇي الاڭى 40 شارشى مەتردەن 78 شارشى مەترگە دەيىن بولۋى شارت. تۇرعىن ءۇي كىلتى مەملەكەت اس ءۇي سورەلەرىمەن, كىر جۋعىش ماشيناسىمەن, پەشپەن قامتاماسىز ەتىلگەننەن كەيىن تاپسىرىلۋى قاجەت جانە تۇرعىن ۇيلەرگە ىرگەلەس اۋماق بالالار الاڭدارىمەن, اۆتوتۇراق ورىندارىمەن جابدىقتالۋعا ءتيىس. ء«بىز جاستاردىڭ ساپالى ءومىر سۇرۋىنە جاعداي جاساۋىمىز كەرەك», دەدى ي.سميرنوۆا.
