شەتەلدەن كەلەتىن كاسىپ يەلەرى

مەملەكەت باسشىسى قاسىم-جومارت توقاەۆ بىلتىر 1 قىركۇيەكتەگى جول­داۋىندا: «جالپى, ادام الەۋەتىن دامىتۋ – ماڭىزدى ماسەلەنىڭ ءبىرى. وسى ورايدا, شەتەلدەن دارىندى جانداردى ەلگە تارتۋ قاجەت. اسىرەسە شىعار­ماشىلىق جانە كاسىپكەرلىك سالادا جەتىستىككە جەتكەن ازاماتتاردى شاقىرۋ كەرەك. مەن ءتيىمدى كوشى-قون ساياساتى تۋرالى ايتىپ وتىرمىن. سۇرانىسقا يە بولىپ وتىرعان جانە جوعارى بىلىكتى مامانداردىڭ تاپشىلىعىن ازايتۋ قاجەت. عىلىم, دەنساۋلىق ساقتاۋ, ءوندىرىس, IT-سالا­لارىنىڭ بىلىكتى ماماندارىنا جە­ڭىلدىك جاسالادى. مەملەكەت ولارعا ەلىمىزدە تۇراقتى تۇرۋ ءۇشىن ۆيزا بەرەدى. شەتەل كاسىپكەرلەرى ون جىلعا ۆيزا رەسىمدەپ, قازاقستاندا تۇرۋعا مۇمكىندىك الادى. بىراق ولار ەكو­نوميكامىزعا 300 مىڭ دوللاردان اسا ينۆەستيتسيا سالۋى قاجەت», دەپ اتاپ ءوتتى.

پرەزيدەنتتىڭ وسى تاپسىرماسىن ىسكە اسىرۋ ماقساتىندا ەڭبەك جانە حالىقتى الەۋمەتتىك قورعاۋ مي­نيسترلىگى عىلىم, دەنساۋلىق ساقتاۋ, ونەركاسىپ جانە IT-سالالارىندا وتە قاجەت كاسىپتەرگە ماماندانعان شەتەل ازاماتتارىنىڭ قازاقستاندا تۇرۋعا ىقتيارحات الۋىنا مۇمكىندىك بەرەتىن ماماندىقتار ءتىزىمىن بەكىتتى.

2022 جىلدىڭ 26 جەلتوقسانىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قام­سىزداندىرۋ ماسەلەلەرى بويىنشا وزگە­رىس­تەر مەن تولىقتىرۋلار ەنگىزۋ تۋرالى» زاڭى قابىلدانىپ, بۇل ءتيىستى ۆەدومس­تۆوعا شەتەلدiكتەردiڭ قازاق­ستاندا تۇ­راقتى تۇرۋعا رۇقسات الۋى ءۇشiن قاجەتتi كاسiپتەردiڭ تiزبەسiن جانە ونى قالىپتاستىرۋ ءتارتiبiن بەكiتۋ جونiندەگi جاڭا فۋنكتسيا بەردى.

زاڭدى ىسكە اسىرۋ ماقساتىندا مي­نيس­تر­­­­لىك بيىل 28 اقپاننان باستاپ قول­دانىسقا ەنگىزىلەتىن «شەتەلدىكتەردىڭ قازاقستان رەسپۋبليكاسىندا تۇراقتى تۇرۋعا رۇقسات الۋى ءۇشىن سۇرانىسقا يە كاسىپتەر تىزبەسىن جانە ونى قالىپ­تاس­تىرۋ قاعيدالارىن بە­­كىتۋ تۋرالى» بۇيرىقتىڭ جوباسىن ازىرلەدى.

سۇرانىسقا يە كاسىپتەرى بار شەتەل­دىك­تەر وزدەرىنىڭ تولەم قابىلەت­تىلىگىن راستاماي, ىشكى ىستەر ورگاندارىندا وڭايلاتىلعان تارتىپپەن تۇرۋعا رۇقسات رە­سىمدەي الادى. تۇرۋعا رۇقسات 10 جىلعا نەمەسە شەتەلدىك پاسپورتتىڭ قول­دانىلۋ مەرزىمىنە سايكەس بەرىلەدى.

ال شەتەلدىكتەر پايداسىن تيگىزەتىن مامان­دىقتاردىڭ تىزىمىنە كەلسەك, بۇل دەن­ساۋلىق ساقتاۋ, اقپاراتتىق-كوممۋني­كا­تسيا­لىق تەحنولوگيالار, ينجەنەريا, عىلىم جانە باسقا دا سالالاردا سۇرانىسقا يە 21 كاسىپتى قامتىدى.