استانا قالاسىنىڭ دەنساۋلىق ساقتاۋ باسقارماسىنا «وپتيكونەۆروميەليت» (دەۆيك اۋرۋى) سيرەك كەزدەسەتىن 3 ەمدەلۋشىگە ارنالعان «ريتۋكسيماب» ءدارىسى جەتكىزىلدى. ناۋقاستارعا 1,8 ملن تەڭگە سوماسىنا ءدارىنىڭ 7 قۇتىسى ساتىپ الىندى.
دەۆيك اۋرۋى - كورۋ نەرۆتەرىنىڭ زاقىمدانۋىمەن جانە ج ۇلىننىڭ بۇزىلۋىمەن سيپاتتالاتىن دەرت.
ءدارى-دارمەكتەر قالالىق باسقارمانىڭ ءوتىنىمى بويىنشا ساتىپ الىندى. «ريتۋكسيمابتى» ساتىپ الۋ تۋرالى ءوتىنىمدى ورفاندىق اۋرۋلار جونىندەگى ساراپتاما كوميتەتى قاراپ, قور باسقارماسىندا بەكىتىلدى. سودان كەيىن جەتكىزۋشىنى ىزدەۋ جۇمىستارى باستالدى. قور وتاندىق جانە شەتەلدىك وندىرۋشىگە جۇگىندى. جەتكىزۋشىلەرمەن جۇرگىزىلگەن كەلىسسوزدەردىڭ, سونداي-اق كەلىسۋ راسىمدەرىنىڭ قورىتىندىسى بويىنشا قاراعاندى فارماتسەۆتيكالىق كەشەنىمەن شارت جاسالدى.
باسقارمانىڭ مالىمەتىنشە, ناۋقاستار قاجەتتى تەكسەرۋدەن وتكەن سوڭ ساتىپ الىنعان ءدارى-دارمەك تەراپياسىمەن ەمدەلە باستايدى.
