كazEOSat-2 جەر سەرىگى كوككە ءساتتى كوتەرىلدى

استانا. 20 ماۋسىم. 2014 جىلدىڭ 20 ماۋسىمى كۇنى استانا ۋاقىتى بويىنشا تۇنگى ساعات 01:11-دە ورىنبور وبلىسىنداعى (رەسەي) «ياسنىي» ۇشىرۋ بازاسىنان كazEOSat-2 ۇشىرىلدى. ول جەردى قاشىقتىقتان باقىلايتىن قازاقستاندىق ەكىنشى سپۋتنيك. بۇل تۋرالى «24kz» حابارلادى. كazEOSat-2 جەردى 6,5 مەتر بولاتىن 5 مۋلتيسپەكترالدى كانالداردان باقىلاۋعا مۇمكىندىك بەرمەك. ول ەلىمىزدىڭ اۋماقتارىنان تۇسىرىلىمدەر الۋعا, تابيعي اپاتتاردى كۇنى بۇرىن بولجاۋعا, جەر كاداسترىن جۇرگىزۋگە جانە ەلىمىزدىڭ قورعانىسى مەن قاۋىپسىزدىگىن قامتاماسىز ەتۋگە باعىتتالعان. ۇلتتىق عارىش اگەنتتىگىنىڭ توراعاسى تالعات مۇساباەۆ باستاعان قازاقستاندىق دەلەگاتسيا اپپاراتتىڭ ۇشىرىلۋ بارىسىن جاقىننان باقىلادى. تالعات مۇساباەۆ: «KazEOSat-2 جەرسەرiگiن ۇشىرۋ ارقىلى بiزدiڭ ەل جەردi قاشىقتىقتان زوندتاۋدىڭ تولىققاندى عارىش جۇيەسiنە قول جەتكiزدi جانە زاماناۋي عارىش تەحنولوگيالارىنا يە مەملەكەتتەرمەن بوي تۇزەدi, سونىمەن قاتار, قازاقستاننىڭ عارىش سالاسىندا جاسالعان سەرپiندi قادام بولدى»,– دەدi. كazEOSat-2 «دنەپر» زىمىران-تاسىعىشىمەن ۇشىرىلدى. جولدىباي بازار. دەرەككوز: «24kz». فوتو:  «قازاقپارات».