اكىم اتاپ وتكەندەي, الەۋمەتتىك ماڭىزى بار ونىمدەردىڭ باعاسىن تەجەۋ جۇمىسى 2022 جىلدىڭ كۇزىندە باستالعان. بۇل ماقساتقا اكىمدىك 15 ملرد تەڭگە ءبولدى. كوكتەمدە العاشقى ەگىن باستالادى. اكىم سول كەزدە جىلدام وسەتىن پوزيتسيالاردىڭ باعاسى ءوز ورنىنا كەلەدى دەپ ۇمىتتەنەدى.
«قالادا «التىن وردادان» باسقا جەتكىزۋشىلەر پايدا بولدى. ءىرى جەلىلەر جەتكىزۋشىلەرمەن تىكەلەي جۇمىس ىستەي باستادى, سوندىقتان باعا تومەندەدى. باسقا كوتەرمە ساۋداگەرلەر دە ءتيىمدى شەشىم تابادى دەپ سەنەمىز», دەدى ەربولات دوساەۆ.
ول قالاعا كوكونىس, جەمىس-جيدەك, ەتتىڭ 75%-ى «التىن وردا» بازارى ارقىلى جەتكىزىلەتىنىن باسا ايتىپ, باعانىڭ كۇرت تومەندەۋىن كۇتۋدىڭ قاجەتى جوق ەكەنىن نازارعا سالدى.
ء«بىز اقسۋ قانت زاۋىتىمەن كەلىسىمگە قول قويدىق, مەن بۇل جوباعا 2,6 ميلليارد تەڭگە ءبولدىم. بيىل قانت باعاسى شارىقتامايدى دەپ ۇمىتتەنەمىن. نان باعاسى تۇراقتى بولىپ تۇر, ءبىز ونى سۋبسيديالادىق. جەرگىلىكتى بيۋدجەتتەن قاراجات بولىنگەن», دەدى اكىم.
بۇل رەتتە ازىق-ت ۇلىكتەن باسقا تاۋارلاردىڭ باعاسى كوتەرىلىپ جاتىر. اكىم مۇنى گەوساياسي جاعدايمەن بايلانىستىرىپ وتىر.
«ناۋرىزباي اۋدانىنا كەلسەك, كوتەرمە ساۋدانىڭ دامۋىنىڭ ءوزى جوعارى دەڭگەيدە ەمەس جانە ءبىر-بىرىمەن باسەكەگە تۇسەتىن دۇكەندەر از. بىراق ءبىز ونى باقىلاۋدا ۇستايمىز, كۇش سالامىز. ۇسىنىسىن ايتا كەلگەن كاسىپكەرلەردى قولدادىق. ءبىرىنشى توقساننىڭ قورىتىندىسى بويىنشا نەنىڭ وزگەرگەنىن, نەنىڭ وزگەرمەگەنىن قارايمىز», دەپ تۇيىندەدى الماتى اكىمى.
