سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, پەتروپاۆلدا 18 جانە 28 جاستاعى ەكى جىگىتكە قاتىستى شىققان ۇكىم كۇشىنە ەندى. جاستار كولىكتى توناۋعا قاتىستى 5 ءىس بويىنشا قىلمىستىق جاۋاپكەرشىلىككە تارتىلدى.
«قىلمىسكەرلەر تۇندە ارەكەت ەتكەن. نەگىزىنەن يەلەرى ەسىكتەرىن جابۋعا ۇمىتىپ كەتكەن اۆتوكولىكتەردىڭ ىشىنە كىرگەن. ەكى جاعدايدا ماشينالاردىڭ تەرەزەسىن سىندىرىپ, ىشكە ەنگەن. ولار كولىك سالونىندا, جۇكسالعىشتاردا قالدىرىلعان زاتتاردى الىپ كەتىپ وتىرعان. توقسان بي كوشەسىندەگى ۇيلەردىڭ ءبىرىنىڭ اۋلاسىندا قاڭتارىلىپ تۇرعان «BMW» اۆتوكولىگىنەن قاسكويلەر 12 مىڭ تەڭگە سالىنعان ءامياندى, بانكتىك كارتالار مەن كولىكتى تىركەۋ كۋالىگىن قولدى قىلعان», دەدى پەتروپاۆل قالاسى پوليتسيا باسقارماسى تەرگەۋ ءبولىمىنىڭ باستىعى نۇرجان وماروۆ.
بەس ءىستىڭ تورتەۋى تامىزدىڭ 31-نە قاراعان ءتۇنى جاسالعان. كولىك ۇرىلارى ماس كۇيدە بولعانى انىقتالدى.
قىركۇيەك ايىنىڭ باسىندا كۇدىكتىلەر ۇستالىپ, قاماۋعا الىندى. ەكەۋى دە بۇرىن سوتتالعان. كىشىسى بۇعان دەيىن كامەلەت جاسىنا جەتپەي تۇرىپ, قىلمىستىق ارەكەتتەرگە بارعان. سوت وعان 3 جىلعا باس بوستاندىعىنان ايىرۋ تۇرىندەگى, ال جانىنداعى سىيبايلاسىنا 4 جىلعا بوس بوستاندىعىن شەكتەۋ تۇرىندەگى جازا تاعايىندادى.
«اۆتوكولىك يەلەرىنە سالوندا قۇندى زاتتار مەن قۇجاتتاردى, اقشانى قالدىرماۋعا كەڭەس بەرەمىز. اۆتوكولىككە مۇمكىندىگىنشە دابىل قۇرىلعىسىن ورناتقان ءجون. ەگەر كۇزەتىلەتىن كولىك تۇراعى بولماسا, ماشينانى تۇنگى ۋاقىتتا جارىق ءتۇسىپ تۇراتىن جەرگە قويعان دۇرىس. سونداي-اق كوپپاتەرلى ۇيلەردىڭ اۋلالارىندا بەينەباقىلاۋ كامەرالارىن ورناتۋدىڭ دا تيىمدىلىگى بار. ولار اۆتوكولىكتەردە جاسالعان ۇرلىقتاردى ء«ىزىن سۋىتپاي» اشۋعا كومەكتەسەدى. سونىمەن قاتار ۇرىلاردا كەلمەيدى», دەدى نۇرجان وماروۆ
