جان-جاقتى پىكىرلەر الماسىلعان كەزدەسۋلەر

قازاقستان پرەزيدەنتى جا­نىن­داعى ادام قۇقىقتارى جونىندەگى كوميسسيا دەلەگاتسياسى ۆاشينگتون قالاسىنا رەسمي ساپار جاسادى. ساپار شەڭبەرىندە كوميسسيانىڭ حات­شىسى تاستەمىر ابىشەۆ پەن ونىڭ مۇشەسى, الماتى زاڭ كور­پو­راتسياسىنىڭ پرەزيدەنتى ۆيتالي ۆورونوۆ اقش-تىڭ رەسمي, قۇقىق قورعاۋ جانە ساراپشى توپتارىمەن كەزدەستى. كەزدەسۋلەردە قازاقستاندا ساياسي دا­مۋ جانە ادام قۇقىقتارى مەن بوستان­دىق­تارىن قورعاۋ تەتىكتەرىن جەتىلدىرۋ بويىنشا جان-جاقتى پىكىرلەر الماسىلدى. ت.ابىشەۆ پەن ۆ.ۆورونوۆ امەريكالىق ارىپتەستەرىنە كوميسسيا دايىنداعان «قازاقستانداعى ادام قۇقىقتارىنىڭ احۋالى تۋرالى», «قازاقستانداعى ميگرانتتار قۇقىقتارىنىڭ احۋالى تۋرالى» جانە «قازاقستانداعى ورالمانداردىڭ, ازا­ماتتىعى جوق ادامداردىڭ جانە بوسقىن­داردىڭ قۇقىقتارىنىڭ احۋالى تۋرالى» باياندامالاردىڭ تۇساۋكەسەرىن  جاسادى. ساپار بارىسىندا قازاق­ستان­دىقتار اقش مەملەكەتتىك حاتشىسىنىڭ دە­موكراتيا, ادام قۇقىقتارى جانە ەڭبەك جونىندە كومەكشىسى توم مالينوۆسكيمەن, حەلسينكي كوميسسياسىنىڭ اپپارات باسشىسى دەۆيد كيلليونمەن جانە اقش-تىڭ حالىقارالىق ءدىني ەركىندىك جونىندە كوميسسياسى قىزمەتكەرلەرىمەن كەزدەستى. سونىمەن قاتار, قازاق­­ستاندىق دەلەگاتسيا اقش كون­گرە­­سىندە كوميسسيا قىزمەتى مەن ونىڭ ادام قۇقىقتارى مەن بوس­تان­دىقتارىن قورعاۋ سالا­سىن­داعى زاڭ جوبالارىن ازىرلەۋگە قاتىسۋى تۋرالى بريفينگ وتكىزدى. ت.ابىشەۆ پەن ۆ.ۆورونوۆ اقش-تىڭ «فريدوم حاۋس» قۇقىق قورعاۋ مەملەكەتتىك ەمەس ۇيىمىنىڭ پرەزيدەنتى دەۆيد كرەيمەرمەن, «ۇلتتىق دەموكراتيالىق ينس­تيتۋتىنىڭ» پرەزيدەنتى كەننەت ۆول­لاكپەن جانە «امەريكا زاڭگەرلەر اسسو­تسيا­تسياسىنىڭ» وكىلدەرىمەن كەزدەسۋلەر وتكىزدى. ساپار شەڭبەرىندە قازاق­ستان­دىق قۇ­قىق قور­عاۋشىلار «دجەيمستاۋن» قورى ۇيىم­داس­تىرعان دوڭگەلەك ۇستەل باسىندا بايان­داما جاساپ, امەريكالىق ساراپشىلاردىڭ كوپتەگەن سۇراق­تارىنا جاۋاپ بەردى. «ەگەمەن-اقپارات».