ەلدىڭ وڭتۇستىگىندەگى جويقىن جەر سىلكىنىسىنەن 35 418 ادام قايتىس بولعان. بۇل تۋرالى پرەزيدەنت رەجەپ تايىپ ەردوعان مينيسترلەر كابينەتىنىڭ وتىرىسى قورىتىندىسىندا بەينەۇندەۋ ارقىلى مالىمدەدى.
جينالىس انكاراداعى تۇرىك تج سالدارىن جويۋ باسقارماسىنىڭ (AFAD) شتاب-پاتەرىندە ءوتتى.
مەملەكەت باسشىسىنىڭ ايتۋىنشا, قازىرگى تاڭدا ءزىلزالادان جارالانعان 13 208 ادام اۋرۋحانالاردا ەمدەلىپ جاتىر. اپات ايماعىندا ىزدەۋ-قۇتقارۋ جۇمىستارىنا 250 مىڭ مەملەكەتتىك قىزمەتكەر جۇمىلدىرىلعان. پرەزيدەنت جەر سىلكىنگەن اۋداندارداعى ىزدەۋ-قۇتقارۋ جۇمىستارى ءۇيىندى استىنداعى ءتىرى ادامداردى قۇتقارعانشا جالعاساتىنىن ايتتى.
سونداي-اق مەملەكەت باسشىسى كەلەسى ايدان باستاپ تۇركيا بيلىگى جەر سىلكىنىسىنەن زارداپ شەككەندەر ءۇشىن 30 مىڭ ءۇيدىڭ قۇرىلىسىنا كىرىسەتىنىن جەتكىزدى. قازىرگى ساتتە اپاتتان زارداپ شەككەن 1,6 ملن ادامنىڭ باسپاناعا مۇقتاجدىعى قاناعاتتاندىرىلعان.
«جەر سىلكىنىسى ايماعىندا 175 مىڭنان استام شاتىر, كونتەينەرلىك تيپتەگى 5,4 مىڭ ءۇي ورناتىلدى», دەدى تۇركيا پرەزيدەنتى.
