«الاڭداتاتىن ماسەلە جەتكىلىكتى. ءبىزدىڭ ەل توراعالىق ەتكەن مەرزىمدە وسى قوردالانعان ماسەلەلەردى شەشۋگە تىرىستىق. اسىرەسە ۇقشۇ-عا مۇشە ەلدەردىڭ شەكارالارىنداعى ماسەلەلەرگە باسا نازار اۋداردىق. ءسىزدىڭ تاجىريبەڭىز جايلى بەكەر ايتىپ وتىرعان جوقپىن. ءسىز كاۆكازدى, ورتالىق ازيانى جاقسى بىلەسىز. ول ايماقتاردا شەشىمىن تاپپاعان ماسەلە ءالى دە كوپ. ولاردى شەشۋگە تىرىسىپ كورەيىك, بۇگىنگىدەي الاساپىران ۋاقىتتا ۇجىمدىق قاۋىپسىزدىك تۋرالى شارت ۇيىمىن مۇمكىندىگىنشە جانداندىرا تۇسەيىك. ءسىز اينالادا نە بولىپ جاتقانىن كورىپ وتىرسىز عوي», دەدى الەكساندر لۋكاشەنكو كەزدەسۋ بارىسىندا.
ۇجىمدىق قاۋىپسىزدىك تۋرالى شارت ۇيىمى – تاۋەلسىز مەملەكەتتەر دوستاستىعىنىڭ اسكەري-ساياسي ۇيىمى. ول 1992 جىلى 15 مامىرداعى كەلىسىم اياسىندا 2002 جىلى قۇرىلدى. ۇيىمعا ارمەنيا, بەلارۋست, قازاقستان, قىرعىزستان, رەسەي جانە تاجىكستان ەلدەرى مۇشە بولىپ وتىر.
ايتا كەتسەك, يمانعالي تاسماعامبەتوۆ اتالعان ۇيىمنىڭ باس حاتشىسى قىزمەتىنە 2023 جىلدىڭ باسىندا كىرىسكەن ەدى.
