«تەرگەۋ جۇمىستارى بارىسىندا شابۋىل جاساعان وقۋشىنىڭ دورباسىندا قولدان جاسالعان ماسكا تابىلدى. ول 9-سىنىپ وقۋشىسى ەكەنى انىقتالدى. ول دارەتحانادا ماسكانى كيىپ الىپ, سودان كەيىن بالتامەن دالىزگە جۇگىردى. ءبىر وقۋشىنى ەكى رەت يىعىنان ۇرعان, سوسىن ءبىر قىزدى, تاعى ءبىر وقۋشىنى جاراقاتتاعان», دەدى مارات قوجاەۆ ۇكىمەت وتىرىسىندا.
ونىڭ ايتۋىنشا, شابۋىل جاساعان ادامدى جوعارى سىنىپ وقۋشىلارى مەن مۇعالىمدەر ۇستاعان. ەكى بالا اۋرۋحانادا جاتىر, جاعدايلارى تۇراقتى. بىرەۋى تەكسەرۋدەن كەيىن ۇيىنە جىبەرىلدى. پوليتسيا وقيعاعا قاتىستى قىلمىستىق ءىس قوزعادى.
قازىرگى ۋاقىتتا №4 ورتا مەكتەپتە 2 اۋىسىم, بارلىعى 39 سىنىپ, 984 وقۋشى بار. مەكتەپتە جالپى 70 مۇعالىم جۇمىس ىستەيدى, ونىڭ ءبىرى - پسيحولوگ. مەكتەپ عيماراتىندا جانە وعان ىرگەلەس اۋماقتا 42 بەينەباقىلاۋ كامەراسى مەن 5 دۇربەلەڭ تۇيمەسى ورناتىلعان.
«تەرگەۋ بارىسى باقىلاۋعا الىندى, ونىڭ قورىتىندىسى بويىنشا قىلمىس جاساۋعا ىقپال ەتكەن ءمان-جايلاردى جانە باسقا دا انىقتالعان زاڭ بۇزۋشىلىقتاردى جويۋ جونىندە ۇسىنىس جاسالادى», دەپ قورىتىندىلادى مارات قوجاەۆ.
ايتا كەتەيىك, 13 اقپان كۇنى ساعات 08:00 شاماسىندا پەتروپاۆلداعى №4 مەكتەپتە 9-سىنىپ وقۋشىسى بالتامەن وقۋشىلارعا شابۋىل جاساعان.
