وسى ۋاقىتقا دەيىن «وسكەمەن-سامار» اۆتوجولىندا 95-102 كيلومەتردە جارىلىس جۇمىستارى جۇرگىزىلىپ, ناتيجەسىندە 1800 تەكشە مەتر قار ءتۇسىرىلدى. مامانداردىڭ ايتۋىنشا, ەگەر جاڭبىر قاردىڭ بەتىنە تۇسسە, سونداي-اق قار جاۋعان كەزدە اۋا تەمپەراتۋراسى ءبىر باعىتتا نەمەسە باسقا باعىتتا وزگەرسە نەمەسە توبەلەردەگى قاتتى بوران قاردى تاسىمالداسا, قار كوشكىنى قوزعالا باستايدى.
«الدىن الۋ ءىس-شارالارى توتەنشە جاعدايلاردىڭ تۋىنداۋىن بولدىرماۋعا جانە كۇن سايىن كوپتەگەن اۆتوتەحنيكا وتەتىن اۆتوجولدى قورعاۋعا باعىتتالعان. ازىرگە وبلىستا كوشكىن قاۋپى ساقتالۋدا. جاقىن كۇندەرى قاۋىپتى بەتكەيلەردە پروفيلاكتيكالىق جۇمىستاردى جالعاستىرامىز», دەدى «قازسەلدەنقورعاۋ» شق فيليالىنىڭ باسشىسى ومار دۇزگىمباەۆ.
بۇل ورايدا ماماندار ەكسترەمالدى سپورت تۇرلەرىنىڭ اۋەسقويلارىنا تاۋعا بارۋدان باس تارتۋدى, تۇرعىندارعا ايماقتاعى كوشكىن قاۋپى بار ۋچاسكەلەردە وتە ساق بولۋدى ۇسىنادى.
