كەزدەسۋ اياسىندا قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ كەلەسى اپتادا ليسسابونعا ساپارىنىڭ كۇن تارتىبىنە ەرەكشە نازار اۋدارىلدى.
ديپلوماتتار ساپار بارىسىندا قازاقستان سىرتقى ساياسي ۆەدومستۆوسى باسشىسىنىڭ پورتۋگال ارىپتەسىمەن جانە وسى ەل باسشىلىعىنىڭ باسقا دا وكىلدەرىمەن جوسپارلانعان كەلىسسوزدەرى, سونداي-اق «قازاقستان-پورتۋگاليا» پارلامەنتتىك دوستىق توبىنىڭ مۇشەلەرىمەن جانە بىرقاتار پورتۋگال كومپانيالارىنىڭ باسشىلارىمەن كەزدەسۋلەرى ەكى مەملەكەت اراسىنداعى ىنتىماقتاستىقتى ودان ءارى دامىتۋعا ەلەۋلى سەرپىن بەرەتىنىنە سەنىم ءبىلدىردى.
جالپى تاراپتار ساۋدا-ەكونوميكالىق, ينۆەستيتسيالىق, قۇقىقتىق سالالاردا, سونداي-اق ءبىلىم جانە عىلىم سالاسىندا بىرقاتار كەلىسىمگە قول قويۋدى قامتيتىن ەكىجاقتى شارت-قۇقىقتىق بازانى كەڭەيتۋ جۇمىسىن جانداندىرۋدىڭ ماڭىزدىلىعىن اتاپ ءوتتى.
تاراپتار ەلدەر اراسىنداعى تاۋار اينالىمىنىڭ ءوسۋ سەرپىنىن اتاپ ءوتتى. وتكەن جىلدىڭ سوڭىندا بۇل كورسەتكىش 30,6 ملن اقش دوللارىن قۇراپ, 2021 جىلمەن سالىستىرعاندا 53%-عا ءوستى.
سۇحبات بارىسىندا تۋريزم سالاسىنداعى ىنتىماقتاستىقتى كەڭەيتۋ مۇمكىندىكتەرى دە تالقىلاندى. «Kazakh Tourism» جانە «Turismo de Portugal» اراسىندا قول قويىلۋى جوسپارلانعان ءوزارا تۇسىنىستىك مەموراندۋمى وسى باعىتتاعى ماڭىزدى قادام بولادى.
