پارتيا فراكتسياسىنىڭ كەڭەيتىلگەن وتىرىسى

ماجىلىستە «نۇر وتان» پارتياسى فراكتسياسىنىڭ كەڭەي­تىلگەن جينالىسى ءوتىپ, وندا ۇدەمەلى يندۋستريالىق-يننو­ۆا­تسيالىق دامۋ باعدارلاماسىنىڭ العاشقى 5 جىلدىق ءناتي­جەلەرى جانە ەكىنشى 5 جىلدىق كەزەڭنىڭ جوسپارى تالقىلاندى. جينالىسقا قاتىسقان پار­لا­مەنت ءماجىلىسى توراعاسىنىڭ ورىنباسارى, «نۇر وتان» پار­تياسىنىڭ پارلامەنت ءماجى­لىسىندەگى فراك­تسياسىنىڭ جە­تەك­شىسى داريعا نازارباەۆا ين­دۋس­تريالىق دا­مۋ ءبىزدىڭ ەلىمىزدىڭ تۇراقتى ەكو­نو­ميكالىق ءوسۋىنىڭ نەگىزى ەكەنىن اتاپ ءوتتى. تاقىرىپ توڭىرەگىندە پرە­مەر-مي­نيستردىڭ ورىنباسارى – ين­دۋستريا جانە جاڭا تەح­نولوگيا­لار ءمينيسترى اسەت يسە­كەشەۆ بايانداما جاسادى. ونىڭ اتاپ وتكەنىندەي, ۇدەمەلى ين­دۋستريالىق-يننوۆاتسيالىق دا­مۋ باعدارلاماسى جاڭا يندۋستريالى ساياساتتىڭ نەگىزىن قالادى. اتالعان مەرزىم ىشىندە 2,5 ترلن.تەڭگە كولەمىندە 651 جوبا ىسكە اسىرىلعان, 250 مىڭنان استام جۇمىس ورنى اشىلدى. باعدارلامانىڭ ەكىنشى كە­زەڭىندە جەمىستى جۇمىس ءوز جال­عاسىن تاۋىپ, جاڭا تابىستارعا قول جەتكىزىلمەك. حالىق قالاۋلىلارى ءبىرىنشى كەزەڭ بارىسىندا ورىن العان ول­قى­­لىقتاردى اتاپ كورسەتە وتى­رىپ, ول الداعى ۋاقىتتا ساباق بولۋ كە­رەكتىگىن ەسكەرتتى. دەپۋتاتتار باعدارلامانىڭ ەكىنشى كەزەڭىن زاڭنامالىق قامتاماسىز ەتۋ ماسەلەلەرىن قوزعاي وتىرىپ, ناقتى ۇسى­نىس­تارىن جەتكىزدى. جينالىسقا, سونداي-اق, ءبىر­قاتار مينيسترلىكتەردىڭ, دامۋ ينستيتۋتتارىنىڭ, ۇلتتىق كا­سىپ­كەرلەر پالاتاسىنىڭ وكىلدەرى قاتىستى, دەپ حابارلادى ءما­جى­لىستىڭ ءباسپاسوز قىزمەتى.