سەناتورلاردىڭ ايتۋىنشا «قازاقستان رەسپۋبليكاسى مەن فرانتسۋز رەسپۋبليكاسى اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى» زاڭ قازاقستان مەن فرانتسيانىڭ قۇزىرەتتى ورگاندارى اراسىنداعى قىلمىستىق ىستەر بويىنشا قۇقىقتىق كومەك الۋ جانە كورسەتۋ ماسەلەلەرى جونىندەگى قاتىناستاردى رەتتەۋگە باعىتتالعان. دەپۋتاتتاردىڭ ايتۋىنشا, اتالعان زاڭنىڭ قابىلدانۋى ەكى ەل اراسىنداعى ىنتىماقتاستىقتىڭ تيىمدىلىگىن ارتتىرۋعا سەپتىگىن تيگىزەدى.
بۇدان باسقا, «قازاقستان رەسپۋبليكاسى مەن وزبەكستان رەسپۋبليكاسى اراسىنداعى باس بوستاندىعىنان ايىرۋعا سوتتالعان ادامداردى جازاسىن ودان ءاpi وتەۋ ءۇشىن بەرۋ تۋرالى شارتتى راتيفيكاتسيالاۋ تۋرالى» زاڭدا باس بوستاندىعىنان ايىرۋعا سوتتالعان ادامداردى جازاسىن وتەۋ ءۇشىن بەرۋ ۇسىنىلىپ وتىر. زاڭنىڭ قابىلدانۋى جازانى ورىنداۋ ماقساتىنا ءتيىمدى قول جەتكىزۋگە جانە سوتتالعان ادامداردىڭ قوعامعا قايتا كىرىگۋىنە ودان ءارى جاردەمدەسۋگە ىقپال ەتپەك.
سەناتورلار كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا زاڭداردى پالاتانىڭ قاراۋىنا جىبەرۋ تۋرالى شەشىم قابىلدادى.
