ءمينيستردىڭ ايتۋىنشا, «ازىق-ت ۇلىك كورپوراتسياسىنىڭ» ساتۋ باعاسىن ەسكەرە وتىرىپ, سۋبسيديا مولشەرى تونناسىنا 45 مىڭ تەڭگەنى قۇرايدى.
«بۇل 13,8 ملرد تەڭگە كولەمىندە قاراجات ءبولۋدى تالاپ ەتەدى. قارجى مينيسترلىگىنە ءتيىستى بيۋدجەتتىك ءوتىنىم ەنگىزىلدى. اتالعان شارالار وڭىرلەردىڭ ۇن تارتاتىن كاسىپورىندارىن 90 مىڭ تەڭگە بەلگىلەنگەن باعامەن بيدايمەن قامتاماسىز ەتۋگە جانە ناندى قولجەتىمدى باعامەن وندىرۋگە مۇمكىندىك بەرەدى», دەدى ەربول قاراشوكەەۆ.
ونىڭ پىكىرىنشە, ەكىنشى ماڭىزدى ماسەلە – كوكتەمگى ناۋقاندى وڭتايلى مەرزىمدە وتكىزۋ. بانك ستاۆكالارىنىڭ ءوسۋىن ەسكەرە وتىرىپ, «ازىق-ت ۇلىك كورپوراتسياسى» فورۆاردتىق ساتىپ الۋدى قارجىلاندىرۋ ءۇشىن قاجەتتى قاراجات كولەمىن بولە المايدى.
«كوكتەمگى ناۋقاندى فورۆاردتىق ساتىپ الۋ ارقىلى قارجىلاندىرۋ سوماسىن ۇلعايتۋ ءۇشىن بيۋدجەتتەن «ازىق-ت ۇلىك كورپوراتسياسىنىڭ» جارعىلىق كاپيتالىنا 70 ملرد تەڭگە ءبولۋ ۇسىنىلادى», دەپ قوستى ۆەدومستۆو باسشىسى.
