جەدەل جاردەم قىزمەتىنىڭ جۇمىسىنا وزگەرىستەر ەنگىزىلدى

بۇيرىققا سايكەس جەدەل جاردەم بريگاداسىنىڭ قۇرامىنا پارامەديك – العاشقى كومەك كورسەتۋ بويىنشا قوسىمشا فۋنكتسيانى ورىنداي الاتىن جانە شاقىرۋلارعا قىزمەت كورسەتۋ بويىنشا جەدەل مەديتسينالىق جاردەم بريگادالارىنىڭ جۇمىسىنا قاتىسا الاتىن العاشقى كومەك كورسەتۋ بويىنشا كاسىپتىك دايارلىق كۋرسىنان وتكەن ادام كىرەدى.

حالىقتىڭ سانى 100 000 ادامنان تۇراتىن مونوقالالاردا جەرگىلىكتى اتقارۋشى ورگانداردىڭ قالاۋى بويىنشا دەربەس جەدەل مەديتسينالىق جاردەم ستانتسيالارى ۇيىمداستىرىلادى. دارىگەرلىك بريگادالاردىڭ سانى قۇرامىنا مامانداندىرىلعان (دارىگەرلىك)، ونىڭ ىشىندە بالالار قارقىندى تەراپيا بريگادالارى، بەيىندى بريگادالار (كارديولوگيالىق، پەدياتريالىق) كىرەتىن بريگادالاردىڭ جالپى سانىنىڭ كەمىندە 25% -ىن قۇرايدى.

بۇگىندە ەلىمىزدە 1500-گە جۋىق جەدەل مەديتسينالىق جاردەم بريگاداسى جۇمىس ىستەيدى، ونىڭ 18%-ى مامانداندىرىلعان دارىگەرلىك بريگادالار. تالداۋ كورسەتكەندەي، قاناينالىم جۇيەسىنىڭ اۋرۋلارى مەن بالالارداعى اۋرۋلارعا بايلانىستى قيىندىقتار ءجيى كەزدەسەدى.

سونداي-اق جەدەل جاردەم ستانتسيالارىنا مەديتسينالىق اقپاراتتىق جۇيەلەرگە قولجەتىمدىلىك بەرىلەدى، بۇل ۇيلەستىرۋشى ۇيىم ءۇشىن مەديتسينالىق كومەك كورسەتۋدە ينتەگراتسيانى قامتاماسىز ەتەدى. جەدەل جاردەم ستانتسيالارى 10 مىڭ جانە ودان از حالىققا شاققاندا 1 بريگادانىڭ ەسەبىنەن بريگادالارمەن جاراقتاندىرىلاتىنىن، ال مەديتسينالىق-سانيتاريالىق العاشقى كومەك ۇيىمدارىنداعى جمك بولىمشەلەرى حالىقتىڭ ءوتىنىشىن ەسكەرە وتىرىپ، 35 مىڭ جانە ودان از حالىققا شاققاندا 1 بريگادانىڭ ەسەبىنەن بريگادالارمەن جاراقتاندىرىلاتىنىن ەستەرىڭىزگە سالامىز.

ديسپەتچەرلەردىڭ اۋىلدىق ەلدى مەكەندەردەگى شاقىرۋلارعا قىزمەت كورسەتۋى ءۇشىن اۋداندىق قوسالقى ستانتسيالارعا ماماندار، سونداي-اق جاقىن ماڭداعى مەديتسينالىق ۇيىمداردىڭ سانيتاريالىق اۆتوكولىكتەرى تارتىلۋى مۇمكىن.

جەرگىلىكتى اتقارۋشى ورگانداردىڭ شەشىمى بويىنشا ەلدى مەكەندەردە جمك فۋنكتسيالارى بىرلەسىپ ورىنداۋ شارتى ارقىلى بەرىلۋى مۇمكىن.

بۇل يننوۆاتسيالار جمك قىزمەتىنىڭ ەل حالقىنا شۇعىل مەديتسينالىق كومەك كورسەتۋدىڭ ساپاسى مەن قولجەتىمدىلىگىن جاقسارتۋعا مۇمكىندىك بەرەدى.