ء«بىزدىڭ بارلىق نەگىزگى قۇجاتتارىمىزدا بۇل ماسەلە قوزعالعان جوق. ءبىز قارجى نارىعى سالاسىنداعى زاڭنامانى ۇيلەستىرۋ ماسەلەسىمەن عانا جۇمىس ىستەيمىز. ەۋرازيالىق ەكونوميكالىق كوميسسيانىڭ جۇمىسى اياسىندا بىرىڭعاي ۆاليۋتانى ەنگىزۋ تۋرالى ماسەلە قاراستىرىلعان جوق», دەدى ول.
ول 2025 جىلعا قاراي ەاەو-عا قاتىسۋشى ەلدەر ورتاق قارجى نارىعىن قۇرۋعا نيەتتى ەكەنىن ايتتى. باسقاشا ايتقاندا, ەاەو ەلدەرىندە بانك, بيرجا جانە ساقتاندىرۋ سەكتورلارىندا بىرىڭعاي ەرەجەلەر قالىپتاسۋى مۇمكىن.
ساعىنتاەۆ بۇل شەشىم شەڭبەرىندە مۇشە مەملەكەتتەردىڭ قارجى نارىعى (بانكتەر, باعالى قاعازدار, ساقتاندىرۋ نارىعى) سالاسىنداعى زاڭناماسىن ۇيلەستىرۋ تۋرالى كەلىسىمدەر قابىلداناتىنىن اتاپ ءوتتى. بۇل باعىتتا ەۋرازيالىق ەكونوميكالىق كوميسسيا ۇلكەن جۇمىس جۇرگىزىپ جاتىر.
