قازاقستان • 03 اقپان، 2023

ساياسات نۇربەك «Digital Almaty 2023» فورۋمىنا قاتىستى

بۇگىن عىلىم جانە جوعارى ءبىلىم ءمينيسترى ساياسات نۇربەك «DIGITAL ALMATY 2023» حالىقارالىق فورۋمىنا قاتىسىپ، جوعارى ءبىلىم بەرۋ جۇيەسىن تسيفرلاندىرۋ بويىنشا قابىلدانعان شارالار تۋرالى ايتتى، دەپ حابارلايدى Egemen.kz.

جانبولات كەنجەعۇل

مينيستر ساياسات نۇربەك «جوعارى ءبىلىم بەرۋدى تسيفرلاندىرۋ: ءوسۋدىڭ جاڭا كوكجيەكتەرى» اتتى پانەلدىك سەسسيادا ءسوز سويلەپ، مودەراتور بولدى. ءوز بايانداماسىندا ول تسيفرلاندىرۋ جاعدايىندا جوعارى ءبىلىم بەرۋدى دامىتۋ ەرەكشەلىكتەرىن جانە وقۋ پروتسەسىندەگى تسيفرلاندىرۋ مۇمكىندىكتەرىن اتاپ ءوتتى.

ۆەدومستۆو باسشىسىنىڭ ايتۋىنشا، تسيفرلىق تەحنولوگيالاردىڭ ارقاسىندا پايدا بولعان وقىتۋدىڭ جاڭا تاسىلدەرى جوعارى ءبىلىم بەرۋ مودەلى ءۇشىن جاڭا ماسەلەلەر تۋدىرىپ جاتىر. ستۋدەنتتەردىڭ تالاپتارى ارتىپ كەلەدى. بولاشاقتا ستۋدەنتتەر تسيفرلىق ءداۋىردىڭ مۇمكىندىكتەرىن بارىنشا پايدالاناتىن جانە بولاشاق دامۋدى بولجايتىن جوعارى وقۋ ورىندارىنا تارتىلاتىن بولادى.

«كەلەسى وقۋ جىلىنان باستاپ ءبىز «تسيفرلىق ۋنيۆەرسيتەتتەرگە ترانسفورماتسيالاۋ» جوباسىن پيلوتتىق رەجيمدە ىسكە قوسۋدى جوسپارلاپ وتىرمىز. بۇل جوباعا تسيفرلىق ۋنيۆەرسيتەت مودەلىن ەنگىزۋدە تاجىريبەسى بار ءىرى سەرىكتەستەردى تارتاتىن بولامىز. سولاردىڭ ءبىرى - Microsoft كومانداسى. تسيفرلىق ۋنيۆەرسيتەت مودەلى 4 نەگىزگى اسپەكتىنى قامتيدى. ولار: ءبىلىم بەرۋ قىزمەتى، كامپۋس پەن IT ينفراقۇرىلىمى، عىلىمي قىزمەتتى تسيفرلىق ترانسفورماتسيالاۋ جانە بىرىڭعاي تسيفرلىق پلاتفورما سەرۆيستەرىن دامىتۋ. بولاشاقتا بۇل تاجىريبە ەلىمىزدىڭ بارلىق جوعارى وقۋ ورىندارىنا تاراتىلاتىن بولادى»، دەپ اتاپ ءوتتى ساياسات نۇربەك.

مەملەكەت باسشىسىنىڭ تاپسىرماسى بويىنشا ستۋدەنتتەردىڭ الەمدىك تسيفرلىق كىتاپحانالارعا، ونىڭ ىشىندە Coursera پلاتفورماسىنا قولجەتىمدىلىگىن قامتاماسىز ەتۋ جۇمىستارى باستالدى.