«ترانسشەكارالىق ەلەكتروندىق قۇجات اينالىمىن دامىتۋ جانە تاراتۋ ءۇشىن بارلىق جاعدايدى جاساۋ قاجەت. اتاپ ايتقاندا, لوگيستيكالىق كومپانيالارعا قولايلى جاعداي جاساۋ ماقساتىندا قازاقستاندا ەلەكتروندى كولىك قۇجاتتارىنا كوشۋ جۇمىستارى جۇرگىزىلىپ جاتىر. بۇل سىبايلاس جەمقورلىق تاۋەكەلدەرىن ازايتۋعا مۇمكىندىك بەرەدى. سونداي-اق تاۋار اينالىمىنىڭ اشىقتىعى, ەڭ باستىسى, بيزنەسكە ءوز شىعىندارىن وڭتايلاندىرۋعا دا ىقپال ەتەدى», دەدى ءاليحان سمايىلوۆ.
قازاقستان پرەمەر-ءمينيسترى ەاەو ەلدەرىنىڭ ءوزارا ساۋدا سالاسىنداعى ەلەكتروندى ءوزارا ءىس-قيمىلى دا وزەكتى ماسەلە بولىپ قالا بەرەتىنىن قوسا ايتتى.
«وسى جانە باسقا دا ماسەلەلەر تسيفرلاندىرۋ سالاسىنداعى بىرلەسكەن جۇمىسىمىزدىڭ ماڭىزدى باعىتتارى بولىپ سانالادى. تسيفرلىق كۇن تارتىبىندەگى نەگىزگى باسىمدىقتاردى جۇزەگە اسىرۋ اشىق جانە تەڭ قۇقىلى ىنتىماقتاستىققا, ەكونوميكالىق, تەحنولوگيالىق جانە الەۋمەتتىك دامۋدىڭ جاڭا دەڭگەيىنە وتۋگە ىقپال ەتەدى», دەپ قوستى ءا.سمايىلوۆ.
