قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى ساياسات نۇربەك الداعى ءۇش جىلدا 100 مىڭ قازاقستاندىق ستۋدەنت Coursera پلاتفورماسىنا قول جەتكىزە الاتىنىن ايتتى، دەپ حابارلايدى Egemen.kz.
«بيىلعى ناۋرىزدان باستاپ ءبىزدىڭ بارلىق ستۋدەنتتەر Coursera-نىڭ بارلىق كۋرستارىنا قول جەتكىزە الادى جانە ارنايى تاڭدالعان 654 Coursera كۋرسى تولىعىمەن قازاق جانە ورىس تىلدەرىنە اۋدارىلىپ، بەيىمدەلەدى. وسىلايشا، ءبىز ەڭ جوعارى ساپالى مازمۇنعا قول جەتكىزەمىز. ءبىزدىڭ ۋنيۆەرسيتەتتەر دە ءوز كونتەنتىن ازىرلەۋگە جانە ونى Coursera پلاتفورماسىنا جۇكتەۋگە مۇمكىندىك الادى. ياعني، ءبىز ۋنيۆەرسيتەتتەرىمىزگە، ەڭ الدىمەن، پروفەسسورلارعا اقشا تابۋعا بەرەمىز»، دەدى مينيستر «تسيفرلىق الماتى: جاڭا شىندىقتاعى تسيفرلىق سەرىكتەستىك» فورۋمىندا.
بۇعان دەيىن ساياسات نۇربەك Coursera كۋرستارىنا بيىل ءوڭىردىڭ 25 ۋنيۆەرسيتەتىنەن 20 مىڭ قازاقستاندىق ستۋدەنت قاتىسا الاتىنىن ايتقان بولاتىن. قازىرگى ۋاقىتتا الەمدىك ءبىلىم بەرۋ پلاتفورماسىنىڭ باعدارلامالاۋ جانە تسيفرلاندىرۋ، ماتەماتيكا، فيزيكا، ماركەتينگ جانە ت.ب. سالالارىن قامتيتىن 50 باسىم كۋرستارى قازاق جانە ورىس تىلدەرىندە قولجەتىمدى. باسىم كۋرستار تىزىمىنە اقش، ەۋروپا جانە ازيانىڭ جەتەكشى ۋنيۆەرسيتەتتەرىنىڭ باعدارلامالارى كىرەدى.
باتىس قازاقستان وبلىستىق ءماسليحاتىنا كىمدەر سايلاندى؟
سايلاۋ • كەشە
تۇركىستان وبلىستىق ءماسليحاتىنا سايلانعان دەپۋتتار كىم؟
سايلاۋ • كەشە
بىرقاتار وڭىردە اۋا رايىنا بايلانىستى ەسكەرتۋ جاسالدى
اۋا رايى • كەشە
ۇقساس جاڭالىقتار
