ساياسي دوداعا مونيتورينگ جۇرگىزىلەدى

سەناتور ءىس-شارا بارىسىندا باسقا ەلدەردىڭ پارلامەنتشىلەرىمەن بىرگە حالىقارالىق قاتىناستار، قورعانىس جانە قاۋىپسىزدىك ماسەلەلەرىن تالقىلادى.

دەپۋتات كەڭەس جۇمىسى اياسىندا مەم­لەكەت باسشىسىنىڭ باستاماسى بويىنشا ەلى­مىزدىڭ بارلىق سالادا كەشەندى جانە جۇيە­لى وزگەرىستەر جۇزەگە اسىپ جاتقانى تۋرا­لى ارىپتەستەرىنە ايتىپ بەردى. سەناتور بار­لىق نەگىزگى بيلىك ينستيتۋتىن دايەكتى تۇردە قايتا رەتكە كەلتىرۋ ۇدەرىستەرىنە توقتالدى.

«بۇگىندە پارلامەنت تە، جەرگىلىكتى وكىلدى ورگاندار دا نىعايىپ كەلەدى. 14 قاڭتاردا سەنات دەپۋتاتتارىنىڭ سايلاۋى وتكەن بولاتىن. پالاتا قۇرامىنا ءاربىر وبلىس پەن رەسپۋبليكالىق ماڭىزى بار قالالاردان ءبىر-بىردەن دەپۋتات تاڭدالدى. قازاقستان حالقى اسسامبلەياسى پرەزيدەنتتىك كۆوتا بويىنشا بەس سەناتوردى ۇسىندى. بۇل سايلاۋدا ۇمىتكەرلەردىڭ باسەكەلەستىك دەڭگەيى وتە جوعارى بولدى. سەنات ساي­لاۋىندا كانديداتتاردىڭ كوپشىلىگى ءوزىن-ءوزى ۇسىندى. بۇل ازاماتتىق قوعامداعى سايا­سي بەلسەندىلىكتىڭ ءوسىپ كەلە جاتقانىنىڭ كورى­نىسى. سەناتقا سايلانعان 20 دەپۋتاتتىڭ 16-سى العاش رەت سەناتور بولىپ وتىر، 4 سەناتور قايتا سايلاندى. سەناتور ايەلدەردىڭ سانى دا كوبەيىپ كەلەدى»، دەدى سەرگەي ەرشوۆ.

دەپۋتات ءسوز سوڭىندا ۇقشۇ پار­لا­مەنت­تىك اسسامبلەياسى بايقاۋشىلارىنىڭ ميس­سياسى الداعى سايلاۋدا مونيتورينگ جۇر­­گىزۋگە بەلسەندى قاتىساتىنىنا جانە وعان وبەك­تيۆتى باعا بەرەتىنىنە ۇمىتتە­نەتىنىن جەتكىزدى.