ءىس-شاراعا «باۋىرجان مومىش ۇلىنىڭ پوەزياسى» اتتى كىتاپتىڭ اۆتورى, فيلولوگيا عىلىمدارىنىڭ كانديداتى سەيسەكۇل يسماتوۆا, «باۋىرجانتانۋ» عىلىمي-زەرتتەۋ ورتالىعىنىڭ قىزمەتكەرى ءالىمباي نايزاباەۆ باستاعان مەيماندار قاتىسىپ, باۋىرجان مومىش ۇلىنىڭ ازاماتتىق بەينەسى, شىعارماشىلىعى تۋرالى ويلارىن ورتاعا سالدى.
تانىمدىق كەش بارىسىندا تاراز سەرۆيس جانە تەحنولوگيا كوللەدجىنىڭ ستۋدەنتى الميرا ءيبادىلدا, №45 كلاسسيكالىق گيمنازيانىڭ وقۋشىلارى ارۋنا رۋسلان, ادەل پەرنەبەك قاسىم امانجولوۆتىڭ «باۋىرجان», باۋىرجان مومىش ۇلىنىڭ «ەسكەرتپە», «انا ءتىلىڭدى ارداقتا» اتتى ولەڭدەرىن مانەرلەپ وقىدى. وزگە دە ستۋدەنتتەر داڭقتى قولباسشى جازعان شىعارمالاردان مونولوگ ورىنداپ, كوزگە ءتۇستى.
ءماندى مونولوگ, ادەمى اندەرمەن ادىپتەلگەن كەشتە تاراز سەرۆيس جانە تەحنولوگيا كوللەدجىنىڭ ستۋدەنتتەرى ەراسىل تۇيتەباي مەن ايسۇلۋ شايكەن باتىردىڭ «موسكۆا ءۇشىن شايقاس», زەينەپ احمەتوۆانىڭ «شۋاقتى كۇندەر» كىتاپتارى تۋرالى كوكەيگە تۇيگەن ويلارىمەن ءبولىستى. سوڭىنان كىتاپحانا قىزمەتكەرى راۋشان قالجانوۆا ءازىلحان نۇرشايىقوۆتىڭ «اقيقات پەن اڭىز» كىتابىنا بيبليوگرافيالىق شولۋ جاسادى.
تاراز
