باعدارلامادا 29 پانەلدىك سەسسيا بار. وندا حالىقارالىق جانە قازاقستاندىق IT-قوعامداستىقتىڭ اتىنان 150-دەن استام سپيكەر ءسوز سويلەيدى. 1 اقپانداعى جاعداي بويىنشا فورۋمعا 17 مىڭ ادام تىركەلدى.
ءبىرىنشى كۇنى پىكىرتالاسقا قاتىسۋشىلار قازاقستانداعى تسيفرلىق ماينينگ يندۋسترياسىن, مەملەكەتتىك باسقارۋدىڭ تسيفرلىق ترانسفورماتسياسىن, كريپتوبيرجالاردى دامىتۋ پەرسپەكتيۆالارىن, ءبىلىم بەرۋ سالاسىنداعى كيبەرقاۋىپسىزدىك پەن تەحنولوگيا ماسەلەلەرىن تالقىلايدى. فورۋمنىڭ ەكىنشى كۇنى پلەنارلىق وتىرىستان باستالادى, وعان ەاەو ەلدەرىنىڭ ۇكىمەت باسشىلارى قاتىسادى. ال ەكىنشى كۇنى پانەلدىك سەسسيالار بارىسىندا فورۋمعا قاتىسۋشىلار تەحنوپاركتەردىڭ دامۋىن, كورپوراتيۆتىك يننوۆاتسيالاردىڭ ترەندتەرىن, تسيفرلىق نارىقتارداعى دەرەكتەردى رەتتەۋ ماسەلەلەرىن, كرەاتيۆتى يندۋستريالاردى جانە قوعامدىق يگىلىك ءۇشىن تسيفرلاندىرۋدى تالقىلايدى.
سونداي-اق فورۋم اياسىندا يندۋستريا 4.0 كورمەسى, Astana Hub Battle, تەحنولوگيالىق مارافون, ستارتاپتار كورمەسى جانە بالالار روبوت-تەحنيكاسى بويىنشا حالىقارالىق چەمپيونات وتەدى.
سونىمەن قاتار فورۋم اياسىندا Digital Almaty Awards IT-سىيلىعى وتەدى. Tech Garden Awards كاسىپورىندارىن تسيفرلىق دامىتۋ كونكۋرسىنىڭ قورىتىندىسى شىعارىلادى.
