جىل سايىنعى Digital Almaty حالىقارالىق فورۋمى – بۇل بيزنەس وكىلدەرىنىڭ، حالىقارالىق ساراپشىلاردىڭ، IT-قوعامداستىقتىڭ، مەملەكەتتىك ورگاندار مەن باق-تىڭ قاتىسۋىمەن وتەتىن الماتىداعى ەڭ ءىرى Tech-ءىس-شارا. وسىمەن بەسىنشى رەت ءوتىپ جاتقان فورۋم «جاڭا شىندىقتاعى تسيفرلىق سەرىكتەستىك» دەگەن تاقىرىپپەن ءوتىپ جاتىر. جالپى پانەلدىك سەسسيا 20 تاقىرىپتان تۇرادى، دەپ حابارلايدى Egemen.kz.
جيىندى اشقان قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين بۇگىن الماتىدا تسيفرلىق تەحنولوگيانىڭ جاڭا مۇمكىندىكتەرىن تالقىلايتىنىن ايتتى.
«الاتاۋدىڭ باۋرايىنداعى اسەم قالا الماتىدا «Digital Almaty» بەسىنشى، مەرەيتويلىق تسيفرلىق فورۋمىندا كورىپ وتىرعانىما قۋانىشتىمىن. بيىلعى فورۋم – «جاڭا بولمىستاعى تسيفرلىق سەرىكتەستىك» اتاۋىمەن وتكىزىلىپ وتىر. ءبىز الماتىدا وسىمەن بەسىنشى رەت تسيفرلىق سالاداعى جاڭاشىلدىقتاردى تالقىلاپ، ۇزدىك جەتىستىكتەر تۋرالى ايتاتىن بولامىز»، دەپ اتاپ ءوتتى مينيستر.
الماتى – ەلىمىزدىڭ IT يندۋستريانىڭ استاناسى. ەلىمىزدەگى IT كومپانيالاردىڭ باسىم بولىگى وسىندا ورنالاسقان. قۋانتارلىعى، اقپاراتتىق تەحنولوگيالار سالاسىنىڭ دامۋىنا قولايلى ينفراقۇرىلىم قالىپتاسقان. مينيستر ايتىپ وتكەندەي، ءبىز الماتىنىڭ الەۋەتىن ۇزدىك IT مامانداردى جينايتىن وڭىرلىك حاب قۇرۋعا مۇددەلىمىز. سەبەبى تسيفرلىق سالا – كوزدى اشىپ-جۇمعانشا وزگەرىپ جاتىر.
«بۇگىنگى فورۋم زامان تالابىنا ساي قارقىندى دامىپ كەلە جاتقان IT سالا وكىلدەرىنىڭ باسىن قوسىپ، ولاردىڭ «ساعات تىلدەرىن» تەڭەستىرەتىن يگى داستۇرگە اينالدى. «بۇگىن ءبىز نارىقتاعى اعىمداعى جاعداي تۋرالى، بولاشاق تۋرالى، جوسپارلار تۋرالى ايتاتىن بولامىز. سوندىقتان ءبىز تەك ەكونوميكالىق سەكتورلاردى نەمەسە جالپى پروتسەستەردى عانا ەمەس تسيفرلىق ترانسفورماتسيالاۋ بويىنشا بەلسەندى جۇمىس ىستەپ جاتىرمىز، ءبىز ازاماتتىڭ ومىرلىك تسيكلىنىڭ بارلىق كەزەڭدەرىندە بيزنەس-پروتسەستەردى رەينجينيرينگ جاساۋدىڭ ماڭىزدىلىعىن تۇسىندىك جانە قازىر ونىمەن جۇمىس ىستەپ جاتىرمىز»، دەپ اتاپ ءوتتى مينيستر.
Digital Almaty قازىردىڭ وزىندە بيزنەس وكىلدەرى، حالىقارالىق ساراپشىلار جانە IT قاۋىمداستىعى باس قوساتىن بىرەگەي الاڭعا اينالدى.
قازاقستاندىق IT-نارىعىندا قازىردىڭ وزىندە 10 مىڭنان استام IT-كومپانيالار بار، ونىڭ 150 مىڭى وسى سالادا جۇمىس ىستەيدى. سونىمەن قاتار 1000-نان استام كومپانيا قازىردىڭ وزىندە Astana Hub تەحنولوگيالىق ەكوجۇيەسىنىڭ ءبىر بولىگى بولىپ تابىلادى.
ءبىز سالانى پرەفەرەنتسيالار تۇرىندەگى ينستيتۋتسيونالدىق قولداۋدى، بىلىكتى IT ماماندارىن دايارلاۋ باعدارلامالارىن ىسكە اسىرۋدى، سالانى دامىتۋدىڭ درايۆەرلەرى بولىپ تابىلاتىن جەدەلدەتۋ باعدارلامالارىن جانە ت.ب. قامتاماسىز ەتەمىز. ستارتاپتار ءوز يدەيالارىن كورسەتۋگە جانە ينۆەستورلاردى تابۋعا مۇمكىندىك الادى. فورۋم اياسىندا كوپتەگەن قىزىقتى سەسسيالار مەن كورمەلەر جوسپارلانعان: حالىقارالىق تەحنوپاركتەردىڭ، ءىرى IT-كومپانيالاردىڭ، باعدارلامالاۋ مەكتەپتەرىنىڭ كورمەسى، سالا باسشىلارى مەن جەتەكشى ساراپشىلارىنىڭ قاتىسۋىمەن پانەلدىك سەسسيالار مەن دوڭگەلەك ۇستەلدەر وتەدى.
سونداي-اق «تسيفرلىق الماتى» ماراپاتتارى دا تابىس ەتىلەدى. سىيلىق ەڭ جاقسى IT شەشىمدەردى انىقتاۋعا جانە ولاردى ودان ءارى دامىتۋعا باعىتتالعان.
الدا اتقاراتىن جۇمىس كوپ - مەملەكەت باسشىسى
پرەزيدەنت • بۇگىن، 11:46
پرەزيدەنت: سايلاۋ – اۋقىمدى وزگەرىستەردىڭ لايىقتى جالعاسى
پرەزيدەنت • بۇگىن، 11:34
پرەزيدەنت ناۋرىز مەرەكەسىمەن قۇتتىقتادى
پرەزيدەنت • بۇگىن، 11:30
جانىبەك ءالىمحان ۇلىنىڭ كەلەسى قارسىلاسىمەن جەكپە-جەك وتكىزەتىن كۇنى بەلگىلى بولدى
سپورت • بۇگىن، 10:48
ءىىم قىزمەتكەرى تىكۇشاقتى سۇيرەپ، رەكورد ورناتتى
قوعام • بۇگىن، 10:24
دارحان قىدىرالى قازاقستاندىقتاردى ناۋرىز مەرەكەسىمەن قۇتتىقتادى
قوعام • بۇگىن، 10:02
ۇقساس جاڭالىقتار
