قازاقتىڭ ەجەلدەن كەلە جاتقان قاسيەتتى مۋزىكالىق اسپابىنىڭ ءبىرى – قوبىز. عاسىرلارمەن ۇندەسكەن قوبىز اسپابى حالقىمىزدىڭ رۋحاني ازىعى بولىپ، انادان بالاعا، ۇرپاقتان-ۇرپاققا ميراس بولىپ ءبىزدىڭ زامانىمىزعا جەتتى. بۇگىنگى تاڭدا قوبىزدىن ەكى ءتۇرى كەڭ قولدانىستا. بىرەۋى – ءداستۇرلى قوبىز بولسا، ەكىنشىسى – پريما قوبىز. بۇل – ك.بايسەيىتوۆا اتىنداعى دارىندى بالالارعا ارنالعان مامانداندىرىلعان مۋزىكا مەكتەبى وقۋشىلارىنىڭ دا سۇيىكتى اسپابى.
وسى مەكتەپتە قازاق كسر-ءنىڭ ەڭبەك سىڭىرگەن مۇعالىمى دوسىمجان تەزەكباەۆتىڭ 75 جىلدىق مەرەيتويىنا وراي ەسكە الۋ كەشى ءوتتى. ءىس-شارا د.تەزەكباەۆ اتىنداعى كامەرالىك زالدا ۇيىمداستىرىلدى.
ءسوز باسىندا ك.تەزەكباەۆتىڭ شاكىرتى، ءبىلىم بەرۋ ءىسىنىڭ ۇزدىگى، مادەنيەت سالاسىنىڭ ۇزدىگى، ونەرتانۋ عىلىمدارىنىڭ كانديداتى عاليا ورازاليەۆا سالتاناتتى كەش پريما قوبىزىنىڭ جاڭارتىلعان ءتۇرىنىڭ يەسى دوسىمجان كۇزەن ۇلىنا ارنالعانىن ايتىپ، ول تۋرالى ءبىراز دەرەك كەلتىردى.
– 30-جىلدارى ونەر سالاسىندا وزگەرىستەر بولىپ، مۋزىكا مەكتەپتەرى اشىلدى. سول تۇستا احمەت جۇبانوۆتىڭ باستاماسىمەن حالىق اسپاپتار وركەسترى ومىرگە كەلدى. جان-جاقتان تالانتتى ورىنداۋشىلار شاقىرىلىپ، د.تەزەكباەۆ تا وسى ۇجىمعا قابىلداندى. وركەستردە ىشەكتى قىلقوبىز بولاتىن. ىشەكتەرى قولدان جاسالعان، دىبىسى كۇڭگىرت، وركەسترگە ساي كەلمەيدى. ا.جۇبانوۆتىڭ باستاماسىمەن قىلقوبىز اسپابىنا ءۇشىنشى ىشەك تارتىلادى. وسىلاي دۇنيەگە پريما قوبىزى كەلدى، – دەدى ع.ورازاليەۆا.
ونىڭ ايتۋىنشا، كلاسسيكالىق شىعارمالاردى ورىنداۋعا كەلگەندە قيىندىق تۋىنداپ، ءۇش ىشەكتى قوبىزعا ءتورتىنشى ىشەك تارتىلىپتى. سونىڭ ناتيجەسىندە قوبىزدا ويناۋدىڭ شەبەرلىگى ارتا تۇسەدى. ورىنداۋشىنىڭ تىزەسىنەن سىرعىپ كەتپەۋى ءۇشىن سىرتقى ءپىشىنى وزگەرتىلەدى. كوپجىلدىق تاجىريبەنىڭ ناتيجەسىندە ىڭعايلى پىشىنگە كەلتىرىلەدى. بۇل دا د.تەزەكباەۆتىڭ اشقان جاڭالىعى بولاتىن.
1962-1982 جىلدارى د.تەزەكباەۆ ك.بايسەيىتوۆا اتىنداعى مەكتەپتىڭ ديرەكتورى بولىپ تاعايىندالدى. 1968 جىلى د.تەزەكباەۆتىڭ باستاماسىمەن قازىرگى مەكتەپ سالىنادى. ول باسشىلىق ەتكەن جىلدارى كومپوزيتسيا جانە حور ديريجەرلەۋ سىنىپتارى اشىلىپ، سكريپكا، ۆيولونچەل، قوبىزشىلار انسامبلدەرى قۇرىلادى.
اتالعان ءىس-شارادا ارداقتى ۇستازىن ەسكە الىپ، تاعزىم ەتىپ كەلگەن شاكىرتتەرى – حالىق ءارتىسى، پروفەسسور عاليا مولداكاريموۆا، نازگۇل ابدىباەۆا، جۇماگۇل تاڭشىققوجينا. كەشتە مەكتەپ ونەرپازدارى ونەر كورسەتتى.
گۇلفارام ستامقۇلوۆا،
ك.بايسەيىتوۆا اتىنداعى مەكتەپ-ينتەرناتتىڭ قىزمەتكەرى
تۇركىستاندا 11 جاستاعى قىز جوعالىپ كەتتى
ايماقتار • بۇگىن، 15:31
بەنزين مەن ديزەلدىڭ كوتەرمە ساۋداسىنا شەكتى باعا بەلگىلەنۋى مۇمكىن
قازاقستان • بۇگىن، 15:14
جانسايا ابدىمالىك ءبيبىسارا اساۋباەۆانىڭ سىنىنا جاۋاپ بەردى
سپورت • بۇگىن، 14:07
باتۋميدە ناۋرىز مەرەكەسى تويلاندى
الەم • بۇگىن، 13:47
ەلىمىزدىڭ باسىم بولىگىندە اشىق اۋا رايى ساقتالادى
اۋا رايى • بۇگىن، 13:23
رىباكينا مايامي ءتۋرنيرىنىڭ ءۇشىنشى كەزەڭىنە شىقتى
سپورت • بۇگىن، 12:55
ۇقساس جاڭالىقتار
