ءومىر كۇردەلى ەمەس، كوركەم!

«رۋسالكا» وپەراسى ال­ماتى تەاترىنىڭ رەپەرتۋارىندا بولماعانىمەن، لون­دونعا ساپارلاپ بارعان كە­زىندە ءانشىنىڭ داۋىسىنا لايىق­تالىپ الدىمەن مۋزىكاسى جا­زىلعان بولاتىن. ءانشىنىڭ ارمانى بولعان كەيىپكەردى تەاتر ساحناسىندا ويناۋدىڭ ازىرگە مۇمكىندىگى جوق، الايدا چەح كومپوزيتورى انتونين دۆورجاكتىڭ «رۋسالكا» وپەراسى بويىنشا تۇسىرىلگەن مۋزىكالىق فيلم ارقىلى ز.التىنباەۆا كوپتەن بەرى كو­كەيىندە جۇرگەن يدەياسىن جۇزەگە اسىرىپ وتىر. وپەرانىڭ دي­ري­جەرى ەندريۋ سكيت، بەي­نە­فيلمىنىڭ رەجيسسەرى – عا­لىم اسىلوۆ، باس وپەراتورى – يۋري لەۆاندوۆسكي. اريا كو­رول­دىكتىڭ فيلارمو­نيا ور­كەسترى­مەن (Royal Philharmonic Orchestra) بىرىگىپ جا­زىلعان.

راسىندا دا، جەتى مينۋتتىق كارتينانى تاماشالاعان كو­­رەرمەن عاجايىپ مۋزى­كا­­­نىڭ اۋەنى مەن ەرتەگى كە­يىپ­­­­كەرى وبرازىنداعى زا­ري­­نا­نىڭ سىڭعىرلاعان سوپرانو دا­ۋىسىنا تەربەلە وتى­­رىپ، التىن كۇزدىڭ القوڭىر جا­پى­راقتارىنىڭ سىبدىرىنان، جارىسا كەلىپ جاعالاۋعا سوعىلعان تەڭىز تولقىنىنىڭ شۋىلىنان ەستەتيكالىق ءلاززات الادى. بەينەفيلم وتكەن جىل­دىڭ كۇزىندە قاپشاعايدا تۇسىرىلگەن. «بۇگىنگى ءومىرىمىز­دىڭ كۇردەلى بولىپ كەتكەنى سون­شا، ادامدارعا سيقىرلى، ادەمى، تاڭعاجايىپ الەم جە­تىسپەيدى. سوندىقتان مەن ەر­تەگى جەلىسىنە سۇيەنە وتىرىپ، دۆورجاكتىڭ «رۋسالكا» وپە­­راسىن، كلاسسيكالىق مۋ­زىكانىڭ الەمدىك شەدەۆرىن قايتا جاڭعىرتۋدى ءجون دەپ شەش­تىم»، دەيدى زاري­نا التىنباەۆا. قاسى­رەت­پەن اياقتالاتىن اندەر­سەننىڭ ايگىلى ەرتەگىسى مەن پۋش­­كين درا­ماسىنىڭ وقيعا­سىمەن سا­لىستىرعاندا، مۋزى­كا­لىق ءفيلمدى تۇسىرگەن شىعار­ما­شىلىق توپ بۇل «رۋسال­كانىڭ» سوڭىن باقىتتى تاع­دىرمەن تۇيىندەۋدى قۇپ كورگەن. سە­بەبى بەلگىلى – كو­رەرمەن قۋانىش سەزىنسىن. كە­لە­شەككە ءۇمىتى بولسىن. ءومىر ءبارىبىر سۇلۋ، كور­كەم.

الماتى