قوعام • 30 قاڭتار، 2023

كىتاپحانا – وركەنيەت ورداسى

85 رەت كورسەتىلدى

كىتاپحانا – عاسىردان عاسىرعا ادامزات تاريحىنىڭ كەرۋەنىن سۇرىندىرمەي اكەلە جاتقان، شىراعى بيىك پاراساتتىلىقتىڭ كيەلى ورداسى. ال وسىنداي كيەلى وردانىڭ جۇرەگى – كىتاپحاناشى.

كىتاپحانا جۇمىسى كوزگە كورىنە بەرمەيتىن اعىسى باياۋ تەرەڭ وزەن سەكىلدى. وسى قىزىقتى دا جاۋاپتى جۇمىستى اتقاراتىن كىتاپحاناشىلاردىڭ العا قويعان ماقساتى – ەرتەڭى بار ەلدىڭ جاس­تارىن وركەنيەت الەمىنە باستايتىن جول كورسەتۋ، مادەنيەت كوشىنەن قالدىرماي، تاربيەلى، ءبىلىمدى ۇرپاق قالدىرۋ ىسىنە ىقپال ەتۋ. كىتاپحانا ءومىرى – سىرت كوزگە بىلىنە، بايقالا بەرمەيتىن اعىسى باياۋ، تۋلاعان تولقىندار ىشىندە جاتاتىن ءومىر. سول ومىرگە بويلاپ، دەندەپ ەنگەن ادام عانا بۇل شاڭىراقتىڭ قاسيەتتىلىگىن، كىتاپحاناشى ما­ماندىعىنىڭ قىرى مەن سىرىن اڭعارا الماق.

قازىرگى تاڭدا كىتاپحانا قۇندى­لىعى قان­داي؟ كىتاپحا­ناشى – ۇلكەن قۇرمەت­كە يە ما­مان­دىق. سەبەبى ۇر­پاق­تاردى تاربيەلەيتىن ۇستاز دا، بولا­شاق­­تىڭ باسشىسى دا، داناسى دا، عا­لى­مى دا، ەڭبەكقور ەگىنشىسى دە، كەن­شىسى دە كىتاپحاناشى الدىنا كەلە­دى. ومىرگە ۇرپاق بەرگەن انالاردى قالاي ارداق­تاساق، سول ۇرپاقتى ءبىلىم­دى بولۋعا، ۇلت­جان­دىلىققا تاربيەلەپ جۇر­گەن كىتاپ­حاناشىلاردى دا سولاي ارداق­تاۋعا مىندەتتىمىز. سون­دىقتان دا، بۇل مامان­دىقتىڭ ابى­رويىن كوتەرەتىن ىستەر جاسالىنۋعا ءتيىس دەپ ويلايمىن.

قازىرگى تاڭدا ەلىمىزدە كىتاپ­حانا ءىسى ماماندارىن ءال-فا­رابي اتىنداعى قازۇۋ، قازاق ۇلتتىق قىزدار پەدا­گوگيكالىق ۋنيۆەرسيتەتى، م.اۋەزوۆ اتىن­داعى وڭتۇستىك قازاقستان مەم­لەكەتتىك ۋنيۆەرسيتەتى سەكىلدى ىرگەلى وقۋ ورىندارى دايارلاپ كەلە جاتىر. اتالعان وقۋ ورىندارىن بىتىرگەن جاس ماماندار وزدەرى بىتىرگەن وقۋلارى بويىنشا مامان بولىپ قالىپتاسىپ، جاناشىرلىقپەن ەڭبەك ەتۋى كەرەك. سول كەزدە عانا ماماندىق ءوز قۇندىلىعىن كوتەرەدى.

كىتاپحاناشى جاس بۋىنعا رۋحاني باعدار بەرەتىن تۇلعا رەتىندە تانىلۋعا ءتيىس. زامان كوشى ىلگەرى جىلجىپ، قازىرگى اقپاراتتاندىرۋ كەزەڭىندە وقۋلىقتار، باسقا دا باسىلىمدار ەلەكتروندى فورماتقا كوشىرىلىپ جاتىر. جاhاندانۋ زامانىندا كىتاپحانا جۇ­مىسىندا جاڭا تەحنولوگيالاردى قول­دانۋ – كىتاپ­حانا سالاسىن دامىتىپ، وقىرمان قاتارىن تولىقتىرۋعا سەپتىگىن تيگىزەرى ءمالىم. سوندىقتان دا، زامان تالابىنا ساي كىتاپحانا قىزمەتكەرلەرى دە جاڭا بەلەس­تەردەن كورىنۋگە ءتيىس. بولاشاقتا ەلىمىزدىڭ كەز كەلگەن وڭىرىندە، شەت ايماقتاردا جاڭا تەحنولوگيامەن جابدىقتالعان زاماناۋي كىتاپحانالار بوي كوتەرەر بولسا، باسەكەگە قابىلەتتى ازاماتتار قاتارى كوبەيەرى انىق.

بۇگىنگى تاڭدا كىتاپحانا – پايدا­لانۋشىلارعا اقپاراتتىق قىزمەت كورسەتۋدىڭ نەگىزگى قوعام­­­دىق-مادەني ورتا­لىعى. ال كىتاپحاناشى كىتاپ قا­راۋى­لى ەمەس، سول كىتاپتاردى جا­نە ەلى­مىزدە بولىپ جاتقان جاعداي­لاردى ناسي­حاتتاۋشى، جاڭاشىل كوزقاراستاعى تۇل­عا، رۋحاني مۇ­رانى ۇرپاقتان-ۇرپاققا جەتكىزۋشى.

بولاشاقتا ەلىمىزدەگى كىتاپ­حانا سالاسىنىڭ دامۋىنا ءوز ۇلەسىن قوسار جانە وسى ماماندىقتى دارىپتەيتىن جاس­تار قاتارى تولىعا تۇسسە، قازاقستاننىڭ باسەكەگە قابىلەتتى ەلدەر قاتارىنا قوسىلۋعا ۇلكەن ۇلەستەرىن قوسقانى دەپ بىلەمىز.

ال كىتاپحانا وركەنيەتكە جەتەلەيتىن كۇش ەكەنىن ۇمىت­پايىق.

 

گۇلميرا سابدەنوۆا،

ءال-فارابي اتىنداعى قازۇۋ دوتسەنتى،

تاريح عىلىمدارىنىڭ كانديداتى،

جانسايا قوسمىرزا،

«كىتاپحانالىق اقپاراتتىق جۇيە»

ماماندىعىنىڭ دوكتورانتى

ۇقساس جاڭالىقتار