استانا قالاسىندا №2 كوپبەيىندى قالالىق اۋرۋحانا دارىگەرلەرى وندىرىستە زارداپ شەككەن جاس جىگىتتىڭ قولىن امان ساقتاپ قالدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ناۋقاس 7 قاڭتار كۇنى شۇعىل تۇردە اۋىر جاراقاتپەن اۋرۋحاناعا تۇسكەن. جاس جىگىتتىڭ وڭ قولى يىعىنىڭ جوعارى تۇسىنان ءبولىنىپ كەتكەن.
اۋىر وتانى ەكى دارىگەرلەر بريگاداسى 2 كەزەڭمەن جۇرگىزدى. ءبىرىنشى كەزەڭدە انگيوحيرۋرگتار قان اعىمىن قالپىنا كەلتىرۋ ءۇشىن تامىرلاردى تىگىپ، ەكىنشى كەزەڭدە تراۆماتولوگتار بۇلشىقەتتەردى، نەرۆتەردى، سىڭىرلەر مەن سۇيەكتەردى قالىپقا كەلتىردى.
«وتا شامامەن بەس ساعاتقا سوزىلدى. ءبىز ءار وتادا بارلىق دەنە مۇشەلەرىن مۇمكىندىگىنشە ساقتاپ قالۋعا تىرىسامىز. بۇل جولى تامىر-جۇيكە بايلامىنا تولىق رەۆيزيا جاساۋ كەرەك بولدى، تىگىس بارلىق بۇلشىقەتتەرگە قويىلدى، ويتكەنى قول تولىقتاي بولىنۋگە ۇشىراعان. باستاپقىدا قولدى ساقتاپ قالۋ جانە ونىڭ فۋنكتسياسىن قالپىنا كەلتىرۋ مۇمكىندىگى از ەدى. وتانىڭ ءساتتى اياقتالعانىنا وتە قۋانىشتىمىز»، دەدى انگيوحيرۋرگ دارىگەر داستان سابىر ۇلى.
قازىر ناۋقاس وڭالتۋ كۋرسىنان ءوتىپ جاتىر، دارىگەرلەر وڭ قولدىڭ جۇمىسىن قالپىنا كەلتىرۋگە بەلسەندى قاتىسىپ، ءارتۇرلى ادىستەردى قولدانۋعا كەڭەس بەردى.
ء«بىز وتانى ودان كەيىنگى وڭالتۋ الدەقايدا جىلدام جۇزەگە اساتىنداي ەتىپ جاساي الدىق. بارلىعى بىرىكتىرىلدى، قازىرگى ۋاقىتتا ناۋقاستى ەشنارسە مازالامايدى»، دەدى تراۆماتولوگ دارىگەر ءالىمجان دۇيسەنباەۆ.
باتىس قازاقستان وبلىستىق ءماسليحاتىنا كىمدەر سايلاندى؟
سايلاۋ • كەشە
تۇركىستان وبلىستىق ءماسليحاتىنا سايلانعان دەپۋتتار كىم؟
سايلاۋ • كەشە
بىرقاتار وڭىردە اۋا رايىنا بايلانىستى ەسكەرتۋ جاسالدى
اۋا رايى • كەشە
ۇقساس جاڭالىقتار
