وسكەمەندىك عالىمدار جاڭا جوبانى قولعا الدى

وتاندىق تەلەارنانىڭ مالىمەتىنشە، جەرگىلىكتى ونەرتاپقىشتار توپىراققا سۇيىق تىڭايتقىش سەبەتىن قۇرىلعىنى دامىتىپ جاتىر. جوبا قوستاناي مەن قىزىلجاردىڭ اگرو-كاسىپورىندارىمەن بىرلەسە قولعا الىنعان.

قازىر عىلىمي زەرتحانادا قاربالاس. تسيفرلى فرەزەرلى ستانوكتىڭ كومەگىمەن اۋىل شارۋاشىلىعى تەحنيكاسىنىڭ كۇردەلى قوسالقى بولشەكتەرى ازىرلەنىپ جاتىر.

عالىمداردىڭ ماقساتى – قۇرىلعىنىڭ جۇمىس ىستەۋ تيىمدىلىگىن ارتتىرۋ، تىڭايتقىشقا كەتەتىن شىعىندى ازايتۋ. وسكەمەندىك عالىم باعدات ازاماتوۆتىڭ ۇستانىمى وسىنداي. ول قازىر ارىپتەستەرىمەن بىرگە جاڭا قۇرىلعىنى ازىرلەۋ ۇستىندە. ء«وڭىردىڭ ەرەكشەلىگى ەسكەرىلۋى كەرەك. ماتەريال بەرىك ءارى ءتوزىمدى بولۋى قاجەت. سوندىقتان قوسالقى بولشەكتەردىڭ كوپشىلىگىن جاڭادان سالامىز»، دەيدى ونەرتاپقىش.   

بىرلەسكەن جوباعا شەتەلدىك قارجى ۇيىمدارى 300 ملن تەڭگە گرانت بەرىپتى. فەرمەرلەر بۇل قارجىنىڭ اقتالاتىنىنا سەنىمدى.

جوبا ساتىمەن جۇزەگە اسسا، وڭىردەگى كۇنباعىستىڭ ونىمدىلىگى 30% ارتادى. ال تازارتىلماعان كۇنباعىس مايى ءوندىرىسىنىڭ 80% استامىنىڭ شىعىس قازاقستان وبلىسىنا تيەسىلى ەكەنى ءمالىم. سوندىقتان ءار گەكتار جەردى ءتيىمدى پايدالانۋعا تۋرا كەلەدى.

گۇلشاحرا سانسىزباي