نۇركەنوۆ نۇرلان جاڭبىرشى ۇلى – تسەلينوگراد قالاسىندا 1976 جىلدىڭ 3 قاراشاسىندا دۇنيەگە كەلگەن. س. سەيفۋللين اتىنداعى اقمولا اگرارلىق ۋنيۆەرسيتەتىن, قر پرەزيدەنتى جانىنداعى مەملەكەتتىك باسقارۋ اكادەمياسى مەملەكەتتىك ساياساتتىڭ ۇلتتىق مەكتەبىن, قازتۇتىنۋوداعىنىڭ قاراعاندى ەكونوميكالىق ۋنيۆەرسيتەتىن تامامداعان.
ەڭبەك جولىن 1995 جىلى «شامشىراق» حجق-دا مەنەدجەر رەتىندە باستاعان بولاتىن.
2003 جىلدان 2006 جىلعا دەيىن استانا اكىمى اپپاراتىنىڭ ۇيىمداستىرۋشىلىق-ينسپەكتورلىق جۇمىس ءبولىمنىڭ باس مامانى, وندىرىستىك سالا ءبولىمىنىڭ مەڭگەرۋشىسى بولىپ جۇمىس ىستەدى.
2006-2010 جىلدار ارالىعىندا قر پرەزيدەنتى ءىس باسقارماسىنىڭ كۇردەلى قۇرىلىس جانە تەحنيكالىق قاداعالاۋ, رەسمي ءىس-شارالار مەن سىرتقى بايلانىستار جونىندەگى بولىمدەرىنىڭ مەڭگەرۋشىسى جانە ورىنباسارى قىزمەتىن اتقاردى.
2010 جىلى استاناداعى ء«مولدىر سۋ» جشس باسشىسى قىزمەتىنە تاعايىندالدى.
2013 جىلدان 2014 جىلعا دەيىن بۋراباي اۋدانىنىڭ اكىمى بولدى.
2014 جىلدان اقمولا وبلىسى اكىمىنىڭ وندىرىستىك سالا جونىندەگى ورىنباسارى قىزمەتىن اتقاردى.
2017 جىلعى ماۋسىمنان 2019 جىلعى اقپانعا دەيىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى بولدى.
2019 جىلدىڭ اقپان ايىنان باستاپ استانا قالاسى اكىمىنىڭ ورىنباسارى بولىپ قىزمەت اتقاردى.
