ساپار اياسىندا ۇلىبريتانيانىڭ سىرتقى ىستەر جانە حالىقارالىق دامۋ مينيسترلىگىنىڭ باسشىلىعىمەن, مينيسترلەر كابينەتىنىڭ جوعارى لاۋازىمدى تۇلعالارىمەن, پارلامەنت كوميتەتتەرىنىڭ توراعالارىمەن, قازاقستانمەن ىنتىماقتاستىق جونىندەگى پارلامەنتتىك توپتىڭ مۇشەلەرىمەن, قازاقستان-بريتان قوعامىنىڭ توراعاسىمەن, سونداي-اق ىسكەر توپتاردىڭ وكىلدەرىمەن كەزدەسۋلەر وتكىزىلدى. كەلىسسوزدەر بارىسىندا ەكىجاقتى ساياسي, ساۋدا-ەكونوميكالىق, مادەني-گۋمانيتارلىق ىنتىماقتاستىقتىڭ قازىرگى جاعدايى, سونداي-اق حالىقارالىق دامۋدىڭ وزەكتى ماسەلەلەرى تالقىلاندى.
ۇلىبريتانيانىڭ تالداۋ ورتالىقتارىنىڭ وكىلدەرىمەن جەكە كەڭەيتىلگەن كەزدەسۋ شەڭبەرىندە قازاقستاندىق-بريتان ىنتىماقتاستىعىنىڭ پەرسپەكتيۆالارى جانە حالىقارالىق پەن وڭىرلىك كۇن ءتارتىبى ماسەلەلەرى بويىنشا جان-جاقتى پىكىر الماسىلدى.
ە. قازىحان استانا مەن لوندون اراسىنداعى ارىپتەستىكتى نىعايتۋدىڭ ماڭىزدىلىعىن جانە ساۋدا-ينۆەستيتسيالىق سالاداعى ىنتىماقتاستىقتى ارتتىرۋدىڭ ەلەۋلى الەۋەتىن اتاپ ءوتتى. پرەزيدەنتتىڭ ارناۋلى وكىلى فورين-وفيس باسشىلىعىنا, بريتان پارلامەنتىنىڭ مۇشەلەرى مەن ساراپتامالىق قوعامداستىق وكىلدەرىنە قر پرەزيدەنتى قاسىم-جومارت توقاەۆتىڭ باستاماسىمەن قازاقستانداعى اۋقىمدى ساياسي جانە ەكونوميكالىق وزگەرىستەردىڭ ىسكە اسىرىلۋ بارىسى تۋرالى اقپاراتتى جەتكىزدى.
ءوز كەزەگىندە, بريتان تاراپى قازاقستان ۇلىبريتانيانىڭ ورتالىق ازياداعى نەگىزگى جانە ستراتەگيالىق ارىپتەسى ەكەنىن اتاپ ءوتىپ, قازاقستان- ۇلىبريتانيا ىنتىماقتاستىعىن ودان ءارى نىعايتۋعا نيەت ءبىلدىردى. سونىمەن قاتار بريتان ۇكىمەتى مەن پارلامەنت وكىلدەرى مەملەكەت باسشىسىنىڭ رەفورمالار باعىتىنا قولداۋ ءبىلدىرىپ, قازاقستانداعى ساياسي جاڭعىرۋدىڭ ۋاقىتتىلىعى مەن وزەكتىلىگىن اتاپ ءوتتى.
ساپار قورىتىندىسى بويىنشا تاراپتار ەكىجاقتى بايلانىستاردى جوعارى دەڭگەيدە جالعاستىرۋعا كەلىستى.
