شىمكەنتكە جۇمىس ساپارىمەن بارعان پرەمەر-مينيستر ءاليحان سمايىلوۆ جوسپارلانعان باعدارلامادان بولەك، ءبىرىنشى كەزەكتە قالالىق اۋەجايدىڭ جاي-كۇيىمەن تانىسىپ، جاڭا تەرمينال قۇرىلىسىن جەدەلدەتۋدى تاپسىردى، دەپ حابارلايدى Egemen.kz.
ءاليحان سمايىلوۆ شىمكەنت شىعىس پەن باتىس اراسىنداعى كولىك قوزعالىسىنىڭ تۇيىسكەن جەرىندە ورنالاسقان ەلىمىزدەگى ءۇشىنشى ءىرى مەگاپوليس ەكەنىن اتاپ ءوتتى. بۇل ءوز كەزەگىندە تىكەلەي جانە ترانزيتتىك رەيستەردى ورىنداۋعا ىڭعايلى جاعداي جاسايدى.
سونىمەن قاتار پرەمەر-مينيستر شىمكەنت اۋەجايىنىڭ جاعدايى حالىقارالىق مارتەبەگە سايكەس كەلمەيتىنىن اتاپ ءوتتى.
«جاڭا تەرمينال سالۋ 2018 جىلى تاپسىرىلعان بولاتىن. نە سەبەپتەن ءالى كۇنگە دەيىن پايدالانۋعا بەرىلمەي وتىر؟ قالاعا نەمەسە ەلگە كەلگەن تۋريستەر مەن قوناقتار ەڭ الدىمەن اۋەجايدىڭ جاعدايىنا نازار سالادى. سول سەبەپتى تەز ارادا جاڭا تەرمينالدى پايدالانۋعا بەرۋ كەرەك»، دەدى ءاليحان سمايىلوۆ.
شىمكەنت قالاسىنىڭ اكىمى مۇرات ايتەنوۆ بۇگىنگى تاڭدا جوبا 80%-دان استامعا اياقتالعانىن، قۇرىلىس 40 مىڭ شارشى مەتر الىپ جاتقانىن ايتتى. تەرمينال 2023 جىلدىڭ سوڭىندا تولىعىمەن پايدالانۋعا بەرىلەدى. قالا باسشىسىنىڭ ايتۋىنشا، بۇل رەسپۋبليكاداعى ەڭ ءىرى تەرمينالداردىڭ ءبىرى بولماق.
ۇكىمەت باسشىسى اكىمدىككە جۇمىستاردىڭ بارلىعىن مۇمكىندىگىنشە تەزىرەك اياقتاپ، قۇرىلىستىڭ ودان ءارى سوزىلۋىنا جول بەرمەۋ قاجەتتىگىن اتاپ ءوتتى.
قارجى • بۇگىن، 16:29
پرەزيدەنت ورتالىق ازيا مەملەكەتتەرى مەن ەۋروپالىق كەڭەس باسشىلارىنىڭ ەكىنشى كەزدەسۋىنە قاتىسادى
پرەزيدەنت • بۇگىن، 16:27
«وزەنمۇنايگاز» باس ديرەكتورىنىڭ ورىنباسارى ۇستالدى
قوعام • بۇگىن، 16:20
قازاقستاندا پوليەتيلەن وندىرەتىن زاۋىت سالىنادى
قازاقستان • بۇگىن، 16:09
استانادا 20 ملن تەڭگە كولەمىندە پارا العان باسشىسىعا قاتىستى تەرگەۋ اياقتالدى
ANTIKOR • بۇگىن، 15:59
مەملەكەت باسشىسى ەۋروپالىق كەڭەستىڭ پرەزيدەنتىمەن كەزدەستى
پرەزيدەنت • بۇگىن، 15:26
ۇقساس جاڭالىقتار
ونلاين 
