«قازاق ءباسپاسوزى مەملەكەتتىڭ قولداۋىنا ءزارۋ ەكەندىگى كەشەدەن بەرى ايتىلىپ جاتىر. ويتكەنى ەلدىگىمىزدى ساقتاپ قالاتىن, ساپالى, بويىندا ۇلتتىق رۋحى بار, قازاق ادەبيەتى مەن مادەنيەتىنەن حابارى بار ۇرپاق قالسىن دەسەك قازاق جۋرناليستيكاسىنا وڭ كوزبەن قاراۋ قاجەت. سەبەبى ۇلتتىڭ, جەردىڭ, ەلدىڭ, ءتىل مەن ءدىلدىڭ ماسەلەسىن تەك قازاق ءباسپاسوزى, قازاق جۋرناليستيكاسى قوزعاپ كەلەدى», دەدى د.وتەعاليەۆ.
ونىڭ ايتۋىنشا, قازاق جۋرناليستيكاسىندا ءتۇرلى سالالارعا بەيىمدەلگەن جۋرناليستەر جوقتىڭ قاسى. ال وڭىردەگى رەداكتسيالار مۇلدەم مامان تاپپاي, قينالىپ وتىر. قازاق ءتىلدى جۋرناليستەر اراسىندا ەكونوميكانىڭ جىلىگىن شاعىپ, تاريحتىڭ قويناۋىن اقتارىپ, زاڭنىڭ بابىنا بويلاپ بەرەتىندەر از.
ء«بىز وسىعان دەيىن جۋرناليستيكا امبەباپ ماماندىق دەگەن ۇعىمدى ۇستانىپ كەلدىك. جۋرناليستيكا مىندەتى – «حابار تاراتۋ» دەگەن تۇسىنىك بۇگىندە مەرزىمدى باسپاسوزدە جۇرمەيدى. بۇگىنگى ءباسپاسوز سالماقتى, ساليقالى ساراپتاماعا نەگىزدەلۋى ءتيىس. ال, مۇنداي ساراپتامانى سالانى جەتىك مەڭگەرگەن مامان عانا جاساي الادى. ءبىر سالاعا بەيىمدەلگەن جۋرناليستەردەن ۇتارىمىز كوپ. بۇل جولعا قويىلسا اۋديتورياعا ساپالى اقپارات ۇسىناتىن جۋرناليستەر قاتارى پايدا بولار ەدى», دەدى «زاڭ» مەديا-كورپوراتسياسىنىڭ ديرەكتورى.
دوسىمبەك وتەعاليەۆتىڭ ايتۋىنشا, جۋرناليستيكا فاكۋلتەتى, ءبىرىنشى كەزەكتە, سالا بويىنشا ءبىلىم بەرۋگە دەن قويۋ كەرەك. ءتورت جىل بويى جۋرناليستيكا تاريحىن عانا وقىتىپ قانا قويماي, ەكىنشى كۋرستان سوڭ شاكىرتتەردىڭ قىزىعۋشىلىعىن ارتتىرىپ, يكەمىنە قاراي بەيىمدەپ, وزگە فاكۋلتەتتەرمەن تىعىز بايلانىستا ءبىلىم بەرۋ قاراستىرىلۋى قاجەت.
ء«بىز مەرزىمدى ءباسپاسوز - جاڭالىق بەرۋدەن جار سالمايمىز. سوندىقتان ءار ماماندىقتان حابارى بار ساپالى جۋرناليستەردىڭ ساراپتاماسىنا ءباس تىگىۋمىز قاجەت جەپ ويلايمىن. ويتكەنى ءبىر سالانى جەتىك مەڭگەرگەن مامان بۇگىنگى باق-تىڭ باعى بولارى انىق», دەپ قورىتىندىلادى سوزىن دوسىمبەك وتەعاليەۆ.
