«الدىن الا بولجام بويىنشا, اقپان ايىندا رەسپۋبليكا اۋماعىنىڭ باسىم بولىگىندە اۋا تەمپەراتۋراسى كليماتتىق نورماعا جاقىن بولادى», دەدى قر ەكولوگيا جانە تابيعي رەسۋرستار مينيسترلىگى سۋ رەسۋرستارى كوميتەتى توراعاسىنىڭ ورىنباسارى دوسبول بەكماعامبەتوۆ.
ونىڭ ايتۋىنشا, اقپان ايىنداعى جاۋىن-شاشىن مولشەرى رەسپۋبليكانىڭ باسىم بولىگىندە نورماعا جاقىن. اتىراۋ, ماڭعىستاۋ, اقتوبە, باتىس قازاقستان, قوستاناي وبلىستارىندا جاۋىن-شاشىن مولشەرى نورمادان از بولادى دەپ كۇتىلەدى. ال تۇركىستان, قىزىلوردا, جامبىل, الماتى وبلىستارىندا جاڭبىر تۇرىندەگى جاۋىن-شاشىن نورمادان ارتىق بولادى.
ىلعال قورى قاراعاندى, اقمولا, سولتۇستىك قازاقستان, قوستاناي جانە اقتوبە وبلىستارىندا سالىستىرمالى تۇردە جوعارى.
