فوتو: Polisia.kz
وبلىستىق پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەتكەرلەرى ساتباەۆ قالاسىنداعى جەكە يندۋستريالىق ايماق اۋماعىندا تەمىر كونتەينەرلەر تيەلگەن جۇك كولىگىن توقتاتقانىن حابارلادى. سونداي-اق پوليتسەيلەر كاسىپورىننىڭ ەكى قىزمەتكەرىن جانە ساتباەۆ قالاسىنىڭ ەكى تۇرعىنىن ۇستادى. ولار جشس-ءنىڭ بىرىندە جۇرگىزۋشى بولىپ جۇمىس ىستەپ, جانار-جاعارماي جەتكىزۋمەن اينالىسقان. قىزمەتكەرلەر جۇكتىڭ ءبىر بولىگىن ۇرلاپ, بوشكەلەرگە قۇيىپ, بىرتە-بىرتە جيناقتاعان.
وقيعا ورنىندا 35 مەتالل بوشكە مەن ەكى تسيستەرنا تابىلدى. ولاردىڭ بارلىعىنا جالپى سالماعى 10 توننا ديزەل مايى قۇيىلعان. كەلتىرىلگەن شىعىن كولەمى شامامەن 8 ميلليون تەڭگەنى قۇرادى.
قر قىلمىستىق كودەكسىنىڭ 188-بابى «ۇرلىق» بويىنشا سوتقا دەيىنگى تەرگەۋ امالدارى جۇرگىزىلىپ جاتىر. پوليتسەيلەر ۇستالعانداردىڭ سىبايلاستارىن انىقتاۋ جۇمىسىن باستادى.
