كارديوحيرۋرگ 2022 جىلى جوسپارلانعان وتا نەگە بۇگىن جاسالعانىن ءتۇسىندىردى.
«تۇڭعىش پرەزيدەنتتىڭ جۇمىس كەستەسىنە بايلانىستى وتانى وعان ىڭعايلى بولعان كەزدە وتكىزۋدى شەشتىك. وتا بۇگىن جاسالدى. ءار ادام وزىنە قاتىستى جەكە اقپاراتتى جاريالاماۋعا قۇقىلى. بىراق ول قازاقستاننىڭ تۇڭعىش پرەزيدەنتى بولعاندىقتان ءبىز جۋرناليستەردىڭ سۇراقتارىنا جاۋاپ بەرە الامىز», دەدى يۋري پيا.
ول وپەراتسيا ءساتتى وتكەنىن حابارلادى.
«بۇگىندە ەلىمىزدىڭ مەديتسيناسىنا دەگەن سەنىم ءوسىپ كەلەدى. مەن ءار ناۋقاسقا ەڭ جاقىن ادام رەتىندە قارايمىن. اۋرۋحانا تابالدىرىعىن اتتاعان كەز كەلگەن ادامنىڭ دەنساۋلىعى ءۇشىن ۇنەمى ۋايىمدايمىن», دەپ قوستى يۋري پيا.
ونىڭ ايتۋىنشا, قازىر نۇرسۇلتان نازارباەۆتىڭ جاعدايى جاقسى.
«جاقىن ارادا ول اۋرۋحانادان شىعارىلادى. وتا شامامەن 2,5 ساعاتقا سوزىلدى», دەپ اتاپ ءوتتى حيرۋرگ.
