قازاقستاندا جوعارى سۇرانىسقا يە ماماندىقتار اتالدى

2021 جىلمەن سالىستىرعاندا بوس ورىندار سانى دا (+16%) جانە تۇيىندەمەلەر سانى دا (+73%) وسكەن. سالالار بولىنىسىندە كادرلارعا دەگەن قاجەتتىلىك اۋىل شارۋاشىلىعىندا (13،3 مىڭ بوس جۇمىس ورنى)، باسقا دا قىزمەت تۇرلەرىندە (10،3 مىڭ بوس جۇمىس ورنى) جانە دە ورتا ءبىلىم بەرۋ سالاسىندا (9،8 مىڭ بوس جۇمىس ورنى) تىركەلدى.

«كوپتەگەن وڭىرلەردە بوس جۇمىس ورىندارىنىڭ سانى ارتتى. ماسەلەن، ءبىر ايدا تۇركىستان وبلىسىندا بوس جۇمىس ورىندارىنىڭ سانى 15،3 مىڭعا دەيىن جەتىپ، 170%-دى، ال الماتى وبلىسىندا 10،6 مىڭعا دەيىن ءوسىپ 105%-دى قۇرادى. بۇل رەتتە ءبىر ايداعى ورنالاستىرىلعان بارلىق بوس جۇمىس ورىندارىنىڭ 44%-ى ءتورت وڭىرگە (تۇركىستان، الماتى وبلىستارى مەن استانا، الماتى قالالارىنا) تيەسىلى»، دەپ حابارلادى «ەڭبەك رەسۋرستارىن دامىتۋ ورتالىعى» اق باسقارۋشى ديرەكتورى الەكساندرا مولچانوۆسكايا.

ۆەدومستۆودان حابارلانعانداي، جەلتوقسان ايىندا ەلوردادان باسقا بارلىق وڭىرلەردە ىزدەنۋشىلەردىڭ بەلسەندىلىگىنىڭ تومەندەۋى بايقالدى. مىسالى، الماتى (-48%)، قاراعاندى (-7%)، شىعىس قازاقستان (-45%) جانە تۇركىستان وبلىستارىندا (-45%) تۇيىندەمەلەر سانى ازايدى. بۇل رەتتە تۇركىستان وبلىسى (3،3 مىڭ) الماتى قالاسى (3،4 مىڭ) مەن استانا قالاسى (5،7 مىڭ) جاريالانعان تۇيىندەمەلەر سانى بويىنشا كوش باستادى.

«جەلتوقسان ايىندا بىلىكتى قىزمەتكەرلەرگە جوعارى سۇرانىس بايقالدى، 55% نەمەسە 58،7 مىڭ بوس جۇمىس ورنىن ۇسىنۋشىلار جۇمىس ىزدەۋشىلەردەن كاسىبي بىلىكتىلىكتىڭ بولۋىن تالاپ ەتتى. الايدا، بۇل كورسەتكىش الدىڭعى ايمەن سالىستىرعاندا تومەن. الدىڭعى ايدا قاجەتتىلىك 69% نەمەسە 63،2 مىڭ بوس جۇمىس ورنىن قۇراعان ەدى. بۇل رەتتە بىلىكتىلىگى جوق ەڭبەككە سۇرانىستىڭ 69%-عا نەمەسە 19،3 مىڭعا ءوسۋى بايقالدى»، دەپ ءتۇسىندىردى الەكساندرا مولچانوۆسكايا.

تۇركىستان (15،3 مىڭ بوس جۇمىس ورنى جانە 3،3 مىڭ تۇيىندەمە)، الماتى (10،6 مىڭ بوس جۇمىس ورنى جانە 1،6 مىڭ تۇيىندەمە) جانە قاراعاندى وبلىستارى (7 مىڭ بوس جۇمىس ورنى جانە 1،1 مىڭ تۇيىندەمە) مەن الماتى قالاسىندا (10،3 مىڭ بوس جۇمىس ورنى جانە 3،4 مىڭ تۇيىندەمە) مامانداردىڭ تاپشىلىعى بايقالدى.

جەلتوقسان ايىندا بىلىكتى قىزمەتكەرلەر اراسىندا جىلجىمايتىن م ۇلىك اگەنتتەرى (2،9 مىڭ بوس جۇمىس ورنى)، الەۋمەتتىك قىزمەتكەرلەر (1،3 مىڭ بوس جۇمىس ورنى)، كۇزەتشىلەر (1،2 مىڭ بوس جۇمىس ورنى)، سانيتارلار (1،2 مىڭ بوس جۇمىس ورنى)، اسپازدار (1،1 مىڭ بوس جۇمىس ورنى)، سونداي-اق تاربيەشىلەر مەن ولاردىڭ كومەكشىلەرى – تيىسىنشە 1،1 مىڭ جانە 851 بوس جۇمىس ورنى جوعارى سۇرانىسقا يە بولدى. ىزدەۋشىلەر اراسىندا نەگىزىنەن اۆتوكولىك جۇرگىزۋشىلەرى، ساتۋشىلار، بۋحگالتەرلەر جانە زاڭگەرلەر بولدى.

«سۇرانىستىڭ ۇسىنىستان جالپى باسىمدىلىعىنا قاراماستان، جەلتوقسان ايىندا ۆاحتەرلەر (268 بوس جۇمىس ورنى جانە 561 تۇيىندەمە)، HR بيزنەس سەرىكتەستەرى (22 بوس جۇمىس ورنى جانە 153 تۇيىندەمە) جانە دەنە شىنىقتىرۋ مۇعالىمدەرى (106 بوس جۇمىس ورنى جانە 231 تۇيىندەمە) ايتارلىقتاي اسىپ ءتۇستى»، دەپ قوستى الەكساندرا مولچانوۆسكايا.

ءوتىنىش بەرۋشىلەردىڭ بەلسەندىلىگى وڭىرلەر بويىنشا گەندەرلىك جاعىنان دا ءار ءتۇرلى بولدى. ماسەلەن، ەگەر باتىس قازاقستان (69%)، اتىراۋ (65%)، ۇلىتاۋ (62%) جانە اقتوبە وبلىستارىندا (61%) ەر ادامدار وزدەرىنىڭ تۇيىندەمەلەرىن ءجيى ورنالاستىرسا، ال قىزمەت كورسەتۋ سالاسى باسىم – شىمكەنت (59%)، استانا (53%) قالالارى، سونداي-اق اباي (56%) جانە الماتى وبلىستارىندا (53%) ايەلدەردىڭ باسىمدىلىعى تىركەلدى.

ورنالاستىرىلعان تۇيىندەمەلەردىڭ ۇشتەن بىرىنە جۋىعى 16 جاستان 28 جاسقا دەيىنگى جاستارعا (10،8 مىڭ تۇيىندەمە)، 42% (15،5 مىڭ تۇيىندەمە) – ورتا جاستاعى نەمەسە (44 جاسقا دەيىنگى) ىزدەنۋشىلەرگە تيەسىلى بولدى. بارلىق تۇيىندەمەلەردىڭ تەك 9%-ى (3،3 مىڭ تۇيىندەمە) زەينەتكەرلىك جاسقا دەيىنگى ادامداردان بولدى.

ەەب مالىمەتتەرىنە سايكەس، جەلتوقسان ايىندا ەڭ كوپ جالاقىنى باس ديرەكتورلارعا (~2،8 ملن تەڭگە)، تاۋار جيناقتاۋشىلارى (~2،4 ملن تەڭگە)، تەرەزە مونتاج جاساۋشىلار (~1،8 ملن تەڭگە) كۇتكەن، ال جۇمىس بەرۋشىلەر تاراپىنان جوعارى جالاقى ونەركاسىپ سالاسىنداعى تسەح باستىقتارىنا (~832 مىڭ تەڭگە)، باس تەحنولوگتارعا (~700 مىڭ تەڭگە)، تەحنيكالىق سالا باسشىلارىنا (~650 مىڭ تەڭگە) جانە ونەركاسىپتىك الپينيستەرگە (~650 مىڭ تەڭگە) ۇسىنىلدى.