ايناز, ايزادا, ايدانا اتتى ۇشەمنىڭ ەكى ۇلكەن اعاسى مەن اپكەسى بار. كوپبالالى وتباسى وبلىس ورتالىعىندا تۇرادى. بالالاردىڭ تۋعان كەزدەگى سالماعى 2279, 2240 جانە 2700 گرامم.
ايەلدىڭ تولعاعى مەرزىمىنەن بۇرىن باستالعاندىقتان, وعان پەريناتالدىق ورتالىقتىڭ بىلىكتى ماماندارىنىڭ قاتىسۋىمەن كەسار تىلىگى وپەراتسياسى جاسالدى.
سالماق قوسقانعا دەيىن وبلىستىق پەريناتالدىق ورتالىقتا دارىگەرلەردىڭ باقىلاۋىندا بولعان سابيلەر اناسىمەن بىرگە اۋرۋحانادان شىعارىلدى.
ۇشەمنىڭ اناسى 39 جاستاعى جادىرا ىڭكاروۆانىڭ ايتۋىنشا, ايدانا مەن ايزادا ءبىر-بىرىنە وتە ۇقساس. ال ايناز ءسال وزگەشە.
وتكەن جىلى بۇل ورتالىقتا 6 116 بالا دۇنيەگە كەلگەنىن, ولاردىڭ ۇشەۋى - ۇشەم, 78-ءى - ەگىزدەر, تۋعان نارەستەلەردىڭ باسىم كوپشىلىگى قىزدار ەكەنىن ايتا كەتكەن ءجون.
