زاڭ جوبالارى ماقۇلدانىپ, سەنات تۇزەتۋلەرىنە كەلىسىم بەرىلدى

كەشە پارلامەنت ءماجىلىسىنىڭ توراعاسى قابيبوللا جاقىپوۆتىڭ توراعالىعىمەن وتكەن جالپى وتىرىستا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ پوشتا بايلانىسى سالاسىنداعى زاڭناماسىنىڭ نورمالارىن دۇنيەجۇزىلىك پوش­تا وداعى اكتىلەرىنىڭ نورمالارىمەن بىرىزدەندىرۋ جانە پوشتا وپەراتورلارىنىڭ قىزمەتىن رەتتەۋ ماسەلەلەرى بويىنشا وزگەرiستەر مەن تولىقتىرۋلار ەنگiزۋ تۋرالى» زاڭ جوباسىن ماقۇلدادى. پارلامەنت دەپۋتاتتارى ش.وتە­مىسوۆ, ز.باليەۆا, ح.ۆاليەۆ, گ.ءيسىم­باەۆا, س.وسپانوۆ, م.پىشەمباەۆ, ا.ساماقوۆا, گ.سەيىتماعامبەتوۆا, ە.تاراسەنكو باستاماشى بولعان زاڭ جوباسىنا قاتىستى اگرارلىق ماسەلەلەر كوميتەتىنىڭ مۇشەسى ۇلاسبەك سادىبەكوۆ قوسىمشا بايان­داما جاسادى. دەپۋتاتتاردىڭ ايتۋىنشا, بۇل زاڭ جوباسى ەلباسىنىڭ «قازاق­ستان جولى – 2050: ءبىر ماقسات, ءبىر مۇددە, ءبىر بولاشاق» اتتى جول­داۋىندا ەلدىڭ ترانزيتتىك الەۋەتىن, لوگيستيكالىق قىزمەتتەر كورسەتۋدى جانە حالىقارالىق ساۋدانى دامىتۋ بويىنشا اتاپ كورسەتكەن ستراتەگيالىق مىندەتتەرگە قول جەتكىزۋ جانە ورىنداۋ, سونداي-اق, قازاقستان رەسپۋبليكاسىنىڭ پوش­تا بايلانىسى سالاسىنداعى زاڭ­ناماسىن حالىقارالىق زاڭناماعا, اتاپ ايتقاندا, دۇنيەجۇزىلىك پوش­تا وداعىنىڭ اكتىلەرىنە سايكەس كەلتىرۋ نەگىزىندە ازىرلەنگەن. وتىرىس بارىسىندا تاعاي­ىندالعان وپەراتوردى ايقىنداۋعا قاتىستى ماسەلەنى قازاقستاننىڭ شەشپەۋىنە بايلانىستى دۇنيە­جۇزىلىك پوشتا وداعى اتىنان EMS كووپەراتيۆى 2014 جىلعى 1 شىلدەدەن باستاپ بارلىق مۇشەلىك جەڭىلدىكتەردى قازاقستانعا بەرۋدى توقتاتاتىنى تۋرالى ۇلتتىق پوشتا وپەراتورىن حاباردار ەتكەنى ايتىلدى. سونداي-اق, دەپۋتاتتار قازىرگى تاڭدا قابىلدانعان حالىقارالىق مىندەتتەمەلەردى ورىنداۋدىڭ قاجەتتىلىگى تۋىپ تۇرعانىن, وسىعان بايلانىستى زاڭ جوباسىنىڭ مىندە­تى پوشتا بايلانىسى كورسەتەتىن قىزمەتتەر نارىعىنداعى قاتى­ناس­تاردى ۇيىمداستىرۋدىڭ جاڭا مودەلىن ەنگىزۋ بولىپ تابىلاتىنىن جەتكىزدى. ال بۇل جاڭا مودەل بىرنەشە جاڭالىقتارعا نەگىزدەلەدى. ولار: تاعايىندالعان وپەراتور ينستيتۋتىن جانە «پوش­تا بايلانىسىنىڭ امبەباپ كورسەتىلەتىن قىزمەتتەرى» ۇعىمىن ەنگىزۋ, تاعايىندالعان وپەراتورعا پوشتا بايلانىسىنىڭ امبەباپ قىزمەتتەرىن كورسەتۋ جونىندەگى مىندەتتەمەلەردى بەكىتىپ بەرۋ. بۇعان قوسا, وسى زاڭ جوباسىنا سايكەس 4 زاڭنامالىق اكتىگە, ونىڭ ىشىندە, «پوچتا تۋرالى», «تابيعي مونوپوليالار جانە رەتتەلەتىن نارىقتار تۋرالى», «بايلانىس تۋرالى» جانە «اۆتوموبيل كولى­گى تۋرالى» قازاقستان رەسپۋب­ليكاسىنىڭ زاڭدارىنا وزگەرىستەر مەن تولىقتىرۋلار ەنگىزىلىپتى. وتىرىستا, سونىمەن قاتار, «قا­زاقستان رەسپۋبليكاسىنىڭ ۇكى­مەتى مەن ەستونيا رەسپۋب­ليكا­سىنىڭ ۇكىمەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى دا ماقۇلداندى. ءسوز ال­عان پالاتانىڭ حالىقارالىق ىستەر, قورعانىس جانە قاۋىپسىزدىك كو­ميتەتىنىڭ مۇشەسى تۇراربەك اسا­نوۆ بۇل كەلىسىم ەلدەردىڭ ينۆەس­تيتسيالىق احۋالىن جاقسار­تۋعا جانە مەملەكەتتەر اراسىن­داعى ءوزارا ءتيىمدى ساۋدا-ەكونو­مي­كالىق ىنتىماقتاستىقتى ودان ءارى دامىتۋعا ىقپال ەتەتىنىن ءما­لىم­دەدى. ياعني بۇدان كەيىن ءاربىر تاراپ ءوزىنىڭ ۇلتتىق زاڭناماسىنا سايكەس, ءوز اۋماعىندا ينۆەستي­تسيا­لاردى جۇزەگە اسىرۋ ءۇشىن ەكىن­شى تاراپتىڭ ينۆەستورلا­رىن كوتەرمەلەپ, ولارعا قو­لاي­لى جاعدايلار جاسايتىن بولادى. سونداي-اق, ءاربىر تاراپ ءوز اۋماعىندا ەكىنشى تاراپ ين­ۆەس­تورلارىنىڭ ينۆەستيتسيالارى مەن كىرىستەرىنىڭ تولىق قورعالۋىن جانە قاۋىپسىزدىكتى قامتاماسىز ەتۋگە ءتيىس. پالاتا وتىرىسىندا دەپۋ­تات­تار «قازاقستان رەس­پۋبلي­كاسى­نىڭ ۇكىمەتى مەن رەسەي فەدە­را­تسياسىنىڭ ۇكىمەتى اراسىنداعى قازاقستان رەسپۋبليكاسىنىڭ اۋماعى ارقىلى قىتاي حالىق رەس­پۋبليكاسىنا رەسەيلىك مۇنايدى تاسىمالداۋ سالاسىنداعى ىن­تى­ماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسىن دا ماقۇلدادى. بۇل زاڭ جوباسى تۋراسىندا ءسوز العان ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ حاتشىسى ۆيكتور روگالەۆ كەلىسىمنىڭ ماق­ساتى رەسەيلىك مۇنايدى قازاق­ستان رەسپۋبليكاسىنىڭ اۋما­عى ار­قىلى قىتاي حالىق رەس­پۋب­لي­كاسىنا تاسىمالداۋ ءۇشىن جاعداي جاساۋ بولىپ تابىلاتىنىن اتاپ ءوتتى. دەپۋتاتتار «قازاقستان رەس­پۋب­ليكاسىنىڭ ۇكىمەتى مەن يتا­­­ليا رەسپۋبليكاسىنىڭ ۇكى­مەتى اراسىنداعى اۋعانستان يس­لام رەسپۋبليكاسىن تۇراق­تان­دىرۋ مەن قالپىنا كەلتىرۋ ءجونىن­دەگى ءىس-قيمىلدارعا يتا­ليا رەسپۋبليكاسى قارۋلى كۇش­تەرىنىڭ قاتىسۋىنا بايلانىستى قازاقستان رەسپۋبليكاسىنىڭ اۋ­ماعى ارقىلى اسكەري م ۇلىك پەن پەرسونالدىڭ ءترانزيتىن قامتاماسىز ەتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىندا ماقۇلدادى. ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى باقىتجان ەرتاەۆ بۇل كەلىسىم اۋعانستان يسلام رەس­پۋب­ليكاسىن تۇراقتاندىرۋ مەن قال­پىنا كەلتىرۋ جونىندەگى حالىق­ارالىق ءىس-قيمىلداردى قول­داۋ ماقساتىندا قازاقستان رەس­پۋب­ليكاسىنىڭ اۋماعى ارقىلى يتاليا رەسپۋبليكاسىنىڭ اسكە­ري مۇلكى مەن پەرسونالىنىڭ ءترانزيتىن جۇزەگە اسىرۋ ءتارتىبىن ايقىندايتىنىن حابارلادى. جالپى وتىرىس اياسىندا «كاس­پي تەڭىزىندەگى قاۋىپسىزدىك سالا­سىنداعى ىنتىماقتاستىق تۋرا­لى كەلىسىمدى راتيفيكاتسيا­لاۋ تۋرالى», «قازاقستان رەس­پۋب­ليكاسىنىڭ ۇكىمەتى مەن وزبەكستان رەسپۋبليكاسى ۇكىمەتىنىڭ اراسىنداعى شەكارا وكىلدەرىنىڭ قىزمەتى تۋرالى كەلىسىمدى راتيفيكاتسيالاۋ تۋرالى», «قازاقستان رەسپۋبليكاسىنىڭ ازاماتتارىنا, ورالماندارعا جانە قازاقستان رەسپۋبليكاسىندا تۇرۋعا ىقتيار­حاتى بار تۇلعالارعا ولاردىڭ م ۇلىكتى جاريا ەتۋىنە بايلانىستى راقىمشىلىق جاساۋ تۋرالى» زاڭ جوبالارىندا قاراپ, قابىلدادى. ماسەلەن, «قازاقستان رەس­پۋب­ليكاسىنىڭ ۇكىمەتى مەن وزبەكستان رەسپۋبليكاسى ۇكىمەتىنىڭ ارا­سىن­داعى شەكارا وكىلدەرىنىڭ قىز­مەتى تۋرالى كەلىسىمدى راتيفيكاتسيالاۋ تۋرالى» زاڭ جوباسىنا قاتىستى ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى ورازكۇل اسانعازى شەكارا وكىلدەرىنىڭ بىرلەسكەن جۇ­مىسى جوسپارلى جانە جوسپاردان تىس بولۋى مۇمكىن وتىرىستار­دا نەمەسە كەزدەسۋلەردە جۇرگىزىلەتىنىن, كەلىسىمگە سايكەس, تاراپتار شەكارا وكىلدەرى مەن شەكارا وكىلدەرىنىڭ ورىنباسارلارىن تاعايىندايتىنىن جەتكىزدى. بۇل كۇنگى وتىرىستا پار­لا­مەنت ءماجىلىسى سونداي-اق, قا­زاق­ستان رەسپۋبليكاسى قىلمىس­تىق كودەكسىنىڭ جوباسى مەن قىل­مىستىق زاڭنامانى جەتىلدىرۋ ماسەلەلەرى بويىنشا وزگەرىستەرگە سەنات ەنگىزگەن تۇزەتۋلەرگە كە­لى­سىمىن بەردى. ءلايلا ەدىلقىزى, «ەگەمەن قازاقستان».