اڭگىمە ارقاۋى – ىنتىماقتاستىق

مەملەكەت باسشىسى نۇرسۇلتان نازارباەۆ قازاقستان پرەزيدەنتى جانىنداعى شەتەل ينۆەستورلارى كەڭەسى اياسىندا «دجەنەرال ەلەكتريك ويل ەند گاز» كومپانياسىنىڭ پرەزيدەنتى جانە باس اتقارۋشى ديرەكتورى لورەنزو سيمونەلليمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا مۇناي-گاز ينفراقۇرىلىمى, ەنەرگەتيكا, كولىك, دەنساۋلىق ساقتاۋ جانە وزگە دە سالالارداعى ىنتىماقتاستىقتىڭ نەگىزگى باعىتتارى تالقىلاندى. نۇرسۇلتان نازارباەۆ كوم­پانيانىڭ قازاقستانداعى بەلسەندى ينۆەستيتسيالىق قىزمەتىن جانە ونى ءارى قاراي كەڭەيتۋگە ازىرلىگىن اتاپ ءوتتى, سونداي-اق, لوكوموتيۆ قۇ­راس­تىرۋ جونىندەگى بىرلەسكەن كاسىپ­ورىننىڭ ونىمدەرىن سىرت­قى نارىقتارعا شىعارۋدىڭ ماڭىز­دىلىعىنا توقتالدى. تاراپتار كومپانيا ءبولىم­شەلەرىنىڭ مەملەكەتتىك ورگاندار­مەن جانە ەلدەگى ۇلتتىق كومپا­نيالارمەن تابىستى ءوزارا ىقپالداستىعىنا توقتالىپ,  ءبىر­قا­تار ينفراقۇرىلىمدىق جانە كو­لىكتىك جوبالاردى قاراستىردى. «دجەنەرال ەلەكتريك» – قا­زاقستان رەسپۋبليكاسىنداعى شە­تەل­دىك ءىرى كومپانيانىڭ ءبىرى. ونىڭ كليەنتتەرى مەن سەرىكتەستەرى قا­تارىنا وڭىردە 200-دەن استام كومپانيا جانە ۇيىمدار كىرەدى. «دجەنەرال ەلەكتريكتىڭ» ال­ماتىداعى وكىلدىگى 1994 جىلى اشىلدى.