مۇناي-گاز سالاسىن دامىتۋ جايى قارالدى

ەلباسى نۇرسۇلتان نازارباەۆ قازاقستان پرەزيدەنتى جانىنداعى شەتەل ينۆەستورلارى كەڭەسى اياسىندا «ەني» كوم­پانياسىنىڭ باس اتقارۋشى ديرەكتورى كلاۋديو دەسكالتسيمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋدە كومپانيانىڭ قا­را­­شىعاناق جانە سولتۇستىك كاس­پي جوبالارىن جۇزەگە اسىرۋعا قاتىسۋى جونىندەگى نەگىزگى جايتتار, سونداي-اق, «قازمۇنايگاز» ۇك» اق-پەن ءوزارا ءىس-قيمىلى تۋرالى اڭگىمە قوزعالدى. نۇرسۇلتان نازارباەۆ ك.دەس­كال­تسيدى جاڭا لاۋازىمعا تاعايىن­دالۋىمەن قۇتتىقتادى جانە قىز­مەتىنە تابىس تىلەدى. – ءبىزدىڭ كەزدەسۋىمىز يتاليا پرە­مەر-ءمينيسترى ماتتەو رەنتسيدىڭ جۇمىس ساپارى قارساڭىندا ءوتىپ وتىر. ءبىزدىڭ ەلدەرىمىزدىڭ ارا­­سىنداعى قارىم-قاتىناس ىلعي دا جوعارى دەڭگەيدە بولدى. «ەني» كوم­­پانياسى قازاقستاندا 20 جىل بويى جۇمىس ىستەپ كەلەدى, ءبىزدىڭ ىن­تىماقتاستىعىمىزدىڭ ەڭ باستى تارماعى سولتۇستىك كاسپي جوباسى بولىپ سانالادى. تۋىنداعان قيىندىقتارعا قاراماستان, ءبىز قويىلعان مىندەتتى ءارى قاراي شەشە الاتىنىمىزعا سەنىمدىمىن, – دەدى قازاقستان پرەزيدەنتى. اڭگىمە بارىسىندا مەملەكەت باسشىسى قاشاعان مۇناي-گاز كەنىشىن يگەرۋگە بايلانىستى جوبانى جۇزەگە اسىرۋ بارىسىنا قا­تىستى الاڭداۋشىلىعىن ءبىل­دىردى. سونىمەن قاتار, ەلدەگى مۇناي-گاز سالاسىن ودان ءارى دامىتۋ جانە ەنەرگيا رەسۋرستارىن تاسىمالداۋ جەلىسىن كەڭەيتۋگە جاعداي جاساۋ ماسەلەلەرى تالقىلاندى. «ەني» – مۇناي مەن گازدى بارلاۋ, ءوندىرۋ, تاسىمالداۋ, ءوڭ­دەۋ جانە جەتكىزۋ باعىتتارى بوي­ىنشا جۇمىس ىستەيتىن ينتەگرا­تسيا­لانعان ەنەرگەتيكالىق كومپانيا. ءوز جۇمىسىن كومپانيا 79 ەلدە جۇرگىزەدى, وعان جالپى سا­نى 80 مىڭعا جۋىق قىزمەتكەر جۇ­مىلدىرىلىپ وتىر. قازاقستاندا «ەني» كومپانياسى 1992 جىلدان بەرى جۇمىس ىستەپ كەلەدى.