• 12 ماۋسىم, 2014

بانك سەكتورىنىڭ الەۋەتى اتالدى

277 رەت

كورسەتىلدى

1 مين

وقۋ ءۇشىن

Egemen Qazaqstan

مەملەكەت باسشىسى نۇرسۇلتان نازارباەۆ قازاقستان پرەزيدەنتى جانىنداعى شەتەل ينۆەستورلارى كەڭەسىنىڭ اياسىندا «رەسەي سبەربانكى» ااق پرەزيدەنتى جانە باسقارما توراعاسى گەرمان گرەفتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا بانكتىڭ قازاقستانداعى قىزمەتى, ونىڭ ەلىمىزدىڭ قارجى-ەكونوميكالىق سەكتورىن دامىتۋعا باعىتتالعان ءتۇرلى جوبالاردى جۇزەگە اسىرۋعا قاتىسۋ ماسەلەلەرى تالقىلاندى. نۇرسۇلتان نازارباەۆ پەن گەرمان گرەف رەسپۋبليكانىڭ بانك سالاسىنىڭ دامۋىنداعى وڭ قارقىنعا توقتالا وتىرىپ, ونىڭ ءوسىپ كەلە جاتقان الەۋەتىن اتاپ ءوتتى. «رەسەي سبەربانكى» ااق – رەسەي فەدەراتسياسى مەن تمد ەلدەرىنىڭ اۋماعىنداعى ءىرى بانك. ونىڭ قىزمەتىن 100 ميلليوننان استام جەكە تۇلعا جانە 1 ميلليونعا جۋىق كاسىپورىن پايدالانادى. 15 فيليالى بار «رەسەي سبەربانكى» اق ەنشىلەس بانكى قازاقستاندا 2006 جىلدان بەرى جۇمىس ىستەيدى.