ايەلى مەن قارىنداسىن پىشاقتاپ ولتىرگەن

وڭتۇستىك قازاقستان وبلىسىنىڭ سايرام اۋدانىندا 23 جاسار جىگىت ءوزىنىڭ 21 جاستاعى ايەلى مەن 19-داعى قارىنداسىن پىشاقتاپ ءولتىردى. وبلىستىق ىشكى ىستەر دەپارتامەنتى ءباسپاسوز قىزمەتى حابارلاعانداي, پوليتسەيلەر ولار تۇراتىن ءۇيدىڭ قوراسىنان ەكى بىردەي ءمايىتتىڭ ۇستىنەن تۇسكەن. ءتارتىپ ساقشىلارى كەلگەندە, اۋ­لا­دان ءارتۇرلى دەنە جاراقاتىن ال­عان ەر كىسى كەزىگەدى. ونى دا سوققى­عا جىققان جاڭاعى جىگىت بولىپ شىقتى. «بۇل قىلمىسقا جاراقات الىپ قالعان ەر ادامنىڭ 23 جاسار وگەي ۇلى سەبەپ بولعان. ول ارتىنشا ۇستالىپ,  ءوز قىلمىسىن تولىق مويىندادى. جاس جىگىت وسىنىڭ الدىندا ايەلىمەن ۇرسىسىپ قالعان. كەشكە بولعان ۇرىس-كەرىستەن كەيىن ول پىشاقتى ايەلىنىڭ جون ارقاسىنا ۇرادى. سودان ونى قوراعا اپارىپ, بىرنەشە جەردەن پىشاقتاپ ولتىرگەن», – دەلىنگەن حابارلامادا. اۋلاعا شىققان جىگىت ايعايدى ەستىپ جۇگىرىپ كەلە جاتقان قارىندا­سىنا كەزىگىپ, ونى دا باۋىزداپ, قوراعا اپارادى. سول جەردە ەكەۋىن دە بالتالاپ تاستايدى. ودان كەيىن ول تۇك بولماعانداي باقشاعا بارىپ, وگەي اكەسىنە كومەكتەسۋگە كىرىسەدى. ءبىر كەزدە وگەي اكەسى ءسوز اراسىن­دا ونىڭ داۋكەستىگىن بەتىنە باسادى. بۇ­عان ىزا بولعان جاس جىگىت قولىن­دا­عى كۇرەگىمەن وگەي اكەسىن دە ۇرىپ جىققان. اتالعان وقيعاعا بايلانىستى قىلمىستىق كودەكستىڭ 96-بابى بويىنشا قىلمىستىق ءىس قوزعالدى. كۇدىكتى قاماۋعا الىندى. مۇرات ايتقوجا.